«ياپۇنىيەدە نورۇز تەنتەنىسى» دوكتور ۋە ماگىستىر ئوقۇغۇچىلار دوكلات بېرىش ۋە ئىلىم ئۇچۇر ئالماشتۇرۇش يىغىنى ئېچىش توغرىسىدا ئۇختۇرۇش

ئەسسالامۇ ئەلەيكۇم، ئەزىز قېرىنداشلار!

2014-يىلى 3-ئاينىڭ 23-كۇنى ئۇتكۇزۇلۇش پىلانلانغان 8-نۇۋەتلىك «ياپونىيەدە نورۇز تەنتەنىسى» تەكلىپنامىنى تاپشۇرۇپ ئالغان بولساڭلار كىرەك . تەكلىپنامىدا دىيىلگىنىدەك، نورۇز، ئۇ يېشىللىق تەنتەنىسى، ئەمگەك تەنتەنىسى، مول-ھوسۇل تەنتەنىسى، دىدار تەنتەنىسى، شۇنداقلا يىللاردىن بىرى ۋەتەندىن ئايرىلىپ مۇھاجىرەتتە ياشاۋاتقان قېرىنداشلىرىمىزنىڭ مىللى كىملىك ئىپتىخارلىق تەنتەنىسى، ئۆگىنىش، تەتقىقات ۋە ئەمگەك مىۋىلىرىنى تەبرىكلىشىدىغان، مىللى ناخشا مۇزىكىلىرىمىزغا جۆر بولۇپ، ئۇسۇل سامالارغا چۈشۈپ، جىسمانىي ۋە روھى جەھەتتىكى بىسملىرىمىزنى ئۇنتۇلدۇردىغان، خوشاللىققا تولغان يىلدا بىر قېتىم تەقەززالىق بىلەن كۇتىدىغان بايرام بولۇپ تەبرىكلىنىپ كېلېنمەكتە.
قېرىنداشلارغا ئايان بولغىنىدەك نورۇز تەنتەنىمىزدە، ئۇشبۇ نورۇزنىڭ مۇھىم مەزمۇنلىرىدىن بىرى، شۇنداقلا قېرىنداشلىرىمىزغا ئىجابى ئەھمىيىتى زور  دەپ قاراپ كەلگەن، ياپونىيەدىكى ئۇنۋىرستلاردا ئۇنۋىرست تولۇق كۇرۇسنى تاماملىغان، ماگىستېرلىق ۋە دوكتۇرلۇق دېستېرتاتسىيەلىرىنى تاماملىغان ياكى تاماملاش ئالدىدىكى قېرىنداشلىرىمىزنىڭ ئىلىم شان شوھرىتىنى ئورتاق تەبرىكلەپ كەلدۇق. ئەپسۇز يىللاردىن بىرى ئىلىم شان شوھرەت قازىنىپ كېلىۋاتقان قېرىنداشلارنىڭ قايسى بىلىم يۇرتىدا، قايسى ئىلىم ساھەسىدە نەتىجە قازانغىنىدىن يۇزەكى خەۋەر بىلەن چەكلىنىپ قالدۇق. ئۇلارنىڭ ئوقۇش، تەتقىقات مىۋىلىرىدىن، تەجىربە ساۋاق، كېيىنكى ئىز باسار بىلىم خۇمارلىرىغا قىلغان تەۋسىيەلىرىنى بىۋاستە ئاڭلاشقا پۇرسەت ياكى ئاڭلىتىشقا ئىمكانىيەت يارىتىلمىدى.
ھەقىقەت شۇنى ئىسپاتلىدىكى ياپونىيە دولىتى، كويۇمچان ياپون خەلقى، بىز ئۇيغۇر باشلىق ئەل سويەر، بىلىم خۇمار ئىنسانلارغا قولىدىن كەلگەن ياردىمى، بىلىمى ۋە مىھرى شەپقىتىنى يەتكۇزۇش نەتىجىسىدە مۇشۇ تۇپراقتا بىزلەردىن تەبى پەن، ئىجتىمائى پەن ياكى باشقا ساھەلەردىن ماگىستېر ، دوكتۇر ۋە ياكى دوكتۇر ئاشتى بولۇپ 200 دىن ئارتۇق ئالىم، مۇتىخەسسىسلەر يېتىشىپ چىقتى. بۇلارنىڭ كوپچىلىكى ۋەتەنگە قايتىپ ۋەتەندىكى ئاۋام خەلقىغە خىزمەت قىلىش، بىر قىسمى ياپون خەلقنىڭ شاپائىتىنى قايتۇرۇش ۋە ياكى بىر قىسىملار دۇنيانىڭ ھەر قايسى بۇلەكلىرىگە تارىلىپ ئىنسانلار ئۇچۇن بەلگىلىك توھپە، مۇجىزلەرنى يارىتىپ، خەلقىنىڭ پەخرىلىنىدىغان مەنىۋى ئوزۇقى ۋە كۇزلەش نىشانىغا ئايلانماقتا. يىللاردىن بىرى ياپونغا ئوقۇش ئىستىگى، ئىلىم تەشنالىقى مەقسىدىدە كىلىدىغان قېرىنداشلىرىمىزنىڭ ئايىغى ئۇزۇلمەي ئاۋام خەلقىمىزنىڭ بۇ چەكسىز بىلىم بۇلىقىنى تولۇقلاپ، سۇغۇرۇپ كەلمەكتە.
ئۇشبۇ تېلەكلەر ۋە ئازرۇلارنى كۇڭۇلگە پۇكۇپ، بۇ قېتىملىق نورۇز تەنتەنىسىگە يەنىمۇ ھۇسۇن قوشۇپ، نورۇز ئىشتىراكچىلىكدىكى بارلىق ئۇنۋېرست ئوقۇغۇچىلار، ئوقۇشلىرىنى تاماملاپ خىزمەت كۇتىۋاتقان ۋە ئالدىراش خىزمەت بىلەن مەغۇل بولۇۋاتقان قېرىنداشلىرىمىزغا، مەنىۋى ۋە ماددى ئوزۇق بولىۋاتقان ئاتا، ئانا، قېرىنداشلارغا ئاكادىمىيىلىك مەنىۋى ئوزۇق بېغىشلاش مەقسىدىدە بۇ يىل ماگىستېر، دوكتۇرلۇقنى تامام قىلغان ياكى تاماملاشقا تەييارلىقى پۇتكەن ئوقۇغۇچىلارنىڭ دوكلات بېرىش، ئىلىم ئۇچۇر ئللماشتۇرۇش يىغىنى ئېچىشنى پىلان قىلىۋاتىمىز.
شۇنىڭ بىلەن بىرلىكتە خەلىق-ئارالىق ئانا تىل كۇنىنى تەبرىكلەپ، ئانا تىلىمىزنىڭ مەۋجۇتلۇقى ۋە ساغلام تەرەققىياتى ئۈچۈن ئىلىم سۆيەر زىيالىيلىرىمىز، ۋەتەن سۆيەر قېرىنداشلىرىمىزنىڭ ئورتاق تىرىشچانلىقى ۋە قوللىشىدا ئۇيغۇر ئانا تىل توغرىسىدا مۇھاكىمە، پىكىر ئللماشتۇرۇش سورىنى بولالىسا دىگەن ئۇمۇتتەمىز.
ۋاقىتنىڭ قىسقا بولىشىغا قارىماي جىددى تەييارلىق قىلىشقا قولايلىق بولۇش ئۇچۇن، بارلىق نورۇز ئىتىراكچىلىكتىكى قېرىنداشلارنىڭ ئۇشبۇ مەقسەتكە ئاۋاز قوشۇپ ئۇزلىرىنىڭ قىممەتلىك ئىلمى مىۋىسى بىلەن تەمىن ئېتىشىنى سورايمىز. سىزنىڭ قوللاپ قۇۋەتلىشىڭىز ئۇشبۇ ئىلمى ئۇچۇر ئللماشتۇرۇش يىغىلىشىمىزنىڭ مۇۋاپىقىيەتلىك بولىشىنىڭ كاپالىتى.
ئىلم ئۇچۇر ئللماشتۇرۇش يىغىنىغا تۇۋەندىكىدەك دوكلات ياكى تېما يوللىشىڭىزنى تەقەززالىق بىلەن كۇتىمىز.
1.دوكتۇر، ماگىستېر دېستېرتارسىيە دوكلاتى ياكى ئىلمىي ماقالىسى.
2.تەتقىقات، ئىلىم ئۇچۇرلىررىنى قېرىنداشلىرىغا بىلدۇرۇشنى خالىغۇچىلار دوكلاتى ياكى ئىلمى ماقالىسى.
3. ئانا تىلنى قوغداش ۋە تەرەققى قىلدۇرۇشقا ئائىت تەتقىقات، مۇنازىرە، ئۇچۇر ئالماشتۇرۇش مەزمۇندىكى تېمىلار.
تەلەپلەر:
1. سۇنۇلماقچى بولغان تېما ئامال بار ئۆلچەملىك ئۇيغۇر يېزىقىدا ھازىرلىنىشى ۋە دوكلات تىلىمۇ ساپ ئۇيغۇر تىلىدا بولىشىنى ئۇمۇت قىلىمىز.
2.سۇنۇلماقچى بولغان دوكلات كەسپى ئاتالغۇلارنىڭ ئۇيغۇر تىلىدا ئىپادە قىلىنىشتا قېيىنچىلىق ياكى تېخى مۇكەممەل بولۇشقا ئىمكان بولمىسا، دوكلات قىلغۇچىنىڭ تاللىشىغا ھورمەت قىلىمىز.
3. ھەر بىر دوكلات ئۈچۈن 10 مىنۇت دوكلات ۋە 5 مىنۇت مۇنازىرە ۋاقىت شەكلىدە بولىدۇ.
4. سۇنماقچى بولغان دوكلاتىڭىزنىڭ قىسقىچە مەزمۇنى ۋە تەرجىمىھالىڭىز بىلەن بىرلىكتە ئەڭ كېچىككەندىمۇ 3-ئاينىڭ 15-كۈنىگىچە بىزگە يوللاپ بېرىشىڭلارنى ئۈمىد قىلىمىز.
يىغىن ئېچىلىش ۋاقتى: 2014-يىلى 3-ئاينىڭ 21-كۇنى (سائەت 13:00 دىن-18:00 گىچە)
ئورنى:
With Youさいたま)視聴覚セミナー室)
With You さいたま)With You さいたまは, ホテルブリランテ武蔵野の3F、4F部分になります)
埼玉県男女共同参画推進センター
〒330-0081埼玉県さいたま市中央区新都心2-2
JR京浜東北線、高崎線・宇都宮線「さいたま新都心駅」から徒歩5分
http://www.withyou-saitama.jp/view.rbz?nd=174&ik=1&pnp=115&pnp=174&cd=412

yighin zali

yighin zali

yighin zali

ئۇشبۇ پالىيەت پۇتۇنلەي ھەقسىز.قېرىنداشلارنىڭ بۇ تېپىلغۇسىز پۇرسەتنى قولدىن بەرمەي، بۇ پاالىيەتكە ۋاقتىدا ئىشتىراك قىلىشىنى، زەپەر قازانغان پەخىرلىك دوكتۇر، ماگېستېر قېرىنداشلىرىڭلارنىڭ ئەمىلى ئەمگىگىگە يۇكسەك ھورمەت بىلدۇرۇش ۋە ئانا تىلىمىزنى ئەمىلى ھەرىكىتىمىز بىلەن قوغداش ۋە كەلگۈسى تەرەققىياتى ئۈچۈن ياخشى مۇنبەر ھازىرلاپ بېرىش نىيىتىدە ئېلىپ بارغان بۇ پائالىيەتلىرىمىزگە ئاكتىپ ئاۋاز قوشۇشۇڭلارنى ئۈمىد قىلىمىز.
ئشىنىمىزكى نۇرغۇن دوكتۇر، ماگىستېر ئوقۇغۇچى، ئىلىم سۇيەر ئنسانلىرىمىز ئوزلىرىنىڭ قىممەتلىك ئەمگەك مىۋىسىنى قېرىنداشلىرىغا دوكلات بېرىپ بىلدۇرۇشنى خالايدۇ.
دوكلات بەرگۇچىلەرنىڭ قىزغىنلىق بىلەن تىزىمگە ئالدۇرۇشىنى تەشنالىق بىلەن كۇتۇپ
ھورمەت بىلەن:
«ياپوندا نورۇز تەنتەنىسى» دوكتور ۋە ماگىستىر ئوقۇغۇچىلار دوكلات ۋە ئىلم ئۇچۇر ئالماشتۇرۇش يىغىنى تەشكىللەش گورۇپپىسى
ئالاقەلەشكۇچى: مەھمۇد ياسېن
ئالاقەلىشىش ئادرىسى:
mahmut@bioinfo.tmd.ac.jp or mahmutjp@gmail.com

جاۋاب يېزىش

ئېلېكتىرونلۇق خەت ئادرېسىڭىز ئاشكارىلانمايدۇ. * بەلگىسى بارلارنى چوقۇم تولدۇرۇسىز