2019-يىللىق نورۇز تەنتەنىسگە تەكلىپ

2019-يىللىق نورۇز تەنتەنىسى گە تەكلىپ

2019年度 ノルズ祭宴会案内状(日本語) PDF

بىسمىللاھىرراھمانىررەھىم

ئەجداتنىڭ تۆھپىسى بۇ بۈيۈك نورۇز،

ئەخلاقنىڭ دەستۇرى بۇ ئۇلۇغ نورۇز،

ئىتىپاقلىق-بىرلىكنىڭ سىموۋولى نورۇز،

ئۇيغۇرغا مىراستۇر بۇ قۇتلۇق نورۇز! 

ئەسسالامۇ ئەلەيكۇم، سىرداش، يىلتىزداش، قەلىبداش ۋە تەغدىرداش قېرىنداشلار:

  نورۇز بايرىمى تۈرك مىللەتلىرىنىڭ ئەنئەنىۋى مىللىي بايرىمى بولۇپ، ئۇزۇن تارىختىن بۇيان، بىزنىڭ ئەجدادلىرىمىز تەنتەنە قىلىپ بىز ئەۋلادلارغا قالدۇرۇپ كەتكەن بىباھا مەنىۋى مىراسلارنىڭ بىرسىدۇر. ئەجداد ئىزىنى بىسىش بىز ھەر بىر ئۇيغۇر پەرزەنتىنىڭ بۇرچىمىز ۋە مەجبۇرىيىتىمىز.

  يىللاردىن بېرى ياپونىيە زىمىنىدا ياشاۋاتقان بىرقىسىم مىللەت سۆيەر ئوت يۇرەك قېرىنداشلىرىمىزنىڭ ئۈزلۈكسىز، خالىسانە ئەجىر سىڭدۇرۇش نەتىجىسىدە ”ياپونىيە نورۇز تەنتەنىسى“ ئۈزۈلۈپ قالماي بۇگۇنگىچە داۋاملىشىپ كەلدى. نورۇز، ياپونىيە زىمىنىدا ياشاۋاتقان ئەزىز قېرىنداشلارنىڭ ئۆز-ئارا دىدارلىشىپ، ھال-مۇڭ ئېيتىش ۋە بىر-بىرىنىڭ ئوقۇش، خىزمەت نەتىجىلىرىنى قۇتلۇقلايدىغان، ئۆز-ئارا مەدەت بېرىشىپ جىسماني ۋە روھى بىسىملىرىنى يىنىكلىتىدىغان، تىل-مەدىنىنىيىتىمىزنى قوغدايدىغان، ئەڭ مۇھىمى ياپونىيەدە تۇغۇلۇپ ئۆسكەن ئۇماق پەرزەنتلىرىمىز گە ئۆز مەدەنىيىتىمىزنى ئۆگتىدىغان، شۇنداقلا پەرزەنتلىرىمىز ياخشى كۆرۈپ قاتنىشىدىغان ئىلىم-مەرىپەت سورۇنىغا ئايلاندى. بۇندىن كېيىنمۇ مەڭگۇ داۋاملاشقۇسى، ئىشائاللاھ!

  ئەزىز قېرىداشلار، ئاللاھ نىسىب قىلسا بۇ يىللىق نورۇز تەنتەنىسىگە ياپونىيەنىڭ ھەرقايسى جايلىرىدا ياشاۋاتقان ئۇيغۇر ۋە تۇركىي قېرىنداشلىرىمىزنىڭ قىممەتلىك ۋاقتىنى ئاجىرتىپ قاتنىشىپ بېرىشىنى، شۇنداقلا، سورۇنىمىزنىڭ ئەزىز مېھمىنى ھەم ساھىبخانى بولىشىنى چىن دىلىمىزدىن ئۈمىد قىلىمىز.

  بۇ يىللىق نورۇز تەنتەنىسى  ئۇچۇن ئۇماق پەرزەنتلىرىمىز ئاتا-ئانىلىرى يىتەكچىلىكىدە ئاز بولمىغان نادىر نۇمۇرلارنى تەييارلىدى. 2019-يىللىق نورۇز تەنتەنىسى ھەيئەتلىكى جامائەتنىڭ قىممەتلىك تەكلىپ-پىكىرىنى يەكۈنلەپ، مەزمۇنى مول بولغان شۇنداقلا ئېزىلگەن كۆڭۈللەرگە جاسارەت بېغىشلايدىغان ”2019-يىللىق نورۇز تەنتەنىسى“ نى ھوزۇرۇڭلارغا سۇنماقچىمىز. ئەزىز قېرىنداشلارنىڭ يېقىندىن قوللاپ-قۇۋەتلىشىنى ۋە ھەمكارلىشىشىنى چىن دىلىمىزدىن ئۈمۈد قىلىمىز.

 پائالىيەت ۋاقتى:

2019-يىل 3-ئاينىڭ 21-كۈنى (پەيشەنبە) سائەت 17:30 ~ 12:00
※ تەييارلىق ۋاقتى : 12:45 ~ 12:00 (JUN ھەيئەتلىرى ۋە ۋەزىپە تاپشۇرۇپ ئالغۇچىلار)
※ مىھمان قوبۇل قىلىش ۋاقتى : 13:00 ~ 12:30  ۋاقىتقا قەتئى رىئايە قىلىڭ!

پۇروگىراممىلار ۋە تەرتىپ : (17:00 ~ 13:00)

• ياپونىيە نورۇز تەنتەنىسى نىڭ ئەھمىيىتى ۋە پائالىيەت مەزمۇنلىرىنى تۇنۇشتۇرۇش
• ياپونىيە نورۇز تەنتەنىسى يىگىت بىشىنىڭ سۆزى
• ئۇمۇمى خور
• بالىلار نۇمۇرلىرى
• ئىتوت، مىللىيچە ناخشا-مۇزىكا، مىللىيچە ئۇسۇل ۋە شېئىر دىكىلاتماسىيە قاتارلىقلار
• باكلاۋۇر، ماگىستىر، دوكتور بولغانلارنى ۋە باشلانغۇچ مەكتەپكە كىرگەنلەرنى تەبرىكلەش
• ”6-نۆۋەتلىك نورۇز ئاكادىمىيە يىغىنى“ توغرىسىدا دوكىلات ۋە كىيىنكى پائالىيەتلەر ھەققىدە
• ياپونىيە ئۇيغۇر ئۆسمۈرلەرنىڭ ئىنگىلىسچە نۇتۇق سۆزلەش مۇسابىقىسى ھەققىدە
• مېھمانلار ۋەكىللىرىنىڭ سۆزى
• پائالىيەت ئاخىرلاشتۇرۇش سۆزى ۋە خۇلاسە (17:00 ~ 16:50)
• يىغىشتۇرۇش (17:30 ~ 17:00)

پائالىيەت ئورنى :

シーバンスホール浜松町
東京都港区芝浦一丁目2番2号 シーバンス ア・モール3F
http://www.seavanshall.jp/index.html

※ قاتناش ئۇچۇرىنى، يۇقۇرقى زالنىڭ توربېتىدىن ياكى تەكلىپنامىنىڭ ياپونچە نۇسخىسىدىن كۆرۈڭ.

تىزىمغا ئالدۇرۇش ئۇسۇلى ۋە ۋاقتى :

1.تور بەت ئارقىلىق تىزىمغا ئالدۇرۇش
تۆۋەندىكى تور بەت ئارقىلىق مۇناسىۋەتلىك ئۇچۇرلارنى تىزىملاش ھەيئەتلىرىگە يوللىشىڭىزنى ئۈمىد قىلىمىز.
http://www.noruz-jp.com/noruz_tizimlax_2019

2.ئېلخەت (E-mail) ئارقىلىق تىزىملىتىش
ئەگەر يۇقىرىدىكى تور بەت ئارقىلىق تىزىملىتىش قۇلايسىز بولسا، ئېلخەت ئادرىسىمىزغا تۆۋەندىكى
بەلگىلەنگەن ئۇچۇرلارنى يوللىشىڭىزنى ئۈمىد قىلىمىز.
ئېلخەت ئادرىسىمىز jun@noruz-jp.com
1) تىزىملاتقۇچى ۋە بىللە قاتناشقۇچىلارنىڭ ئىسىم-فامىلىسى(Alphabet)، تىزىملاتقۇچى بىلەن بولغان مۇناسىۋىتى
ۋە پەرزەنتلەرنىڭ يېشى.
2) سالاھىيىتى (خىزمەتچى، ئوقۇغۇچى، چەتئەلدىن كەلگەن مىھمان قاتارلىق(…
3) شىركەت ياكى مەكتەپ ئىسمى
4) ئولتۇرۇشلۇق ئۆلكە ۋە شەھەر ئىسمى
5) ئېلخەت (E-mail) ئادرىسى
6) تەبرىكلەنگۈچى ئۇچۇرى:
تۆۋەندىكى شەرتلەرگە ئۇيغۇن كېلىدىغان قېرىنداشلىرىمىزغا خاتىرە بۇيۇمى تەقدىم قىلىنىدۇ
2019/3~2018/4 ئارلىقىدا دوكتور، ماگىستىر، باكلاۋۇر(ئالى مەكتەپنى پۈتتۈرگەنلەر) ئۈنۋانى ئالغانلار
2019/4 دا باشلانغۇچ مەكتەپكە ئوقۇشقا كىرىدىغان ئۆسمۇرلەر
7) ئەگەر مەرىكىنىڭ DVD پلاستىنكىسىنى سېتىۋالاماقچى بولسىڭىز، سانى ۋە تەپسىلى پوچتا ئادرىسىڭىز
DVD پىلاستىنكىسى رەتلەپ ئىشلىنىپ 5-ئاينىڭ بېشىغىچە پوچتا ئارقىلىق سىز ئەۋەتكەن ئادرىسقا ئەۋەتىلىدۇ
DVD پىلاستىنكىسىنىڭ باھاسى: 1500يېن

تىزىملىتىش مۇددىتى:

2019-يىلى 3-ئاينىڭ 15-كۈنى (جۈمە) گىچە 
مۇددەت توشقان ھامان تىزىملاش توختىتىلىدۇ

مەرىكىگە قاتنىشىش ھەققى :

پوستدوكتور، كارخانىچىلار، خىزمەتچىلەر(個人事業主、会社員、Postdoctor) 6,000円
خىزمەتچىلەرنىڭ ھەمراھلىرى(扶養配偶者) 4,000円
كەسپىي تەخنىكومدىن يۇقۇرى ئوقۇغۇچىلار (大学院生、研究生、大学生、専門学校生) 4,000円
ياپون تىلى مەكتەپ ئوقۇغۇچىلىرى (日本語学校生) 3,000円
ئوقۇغۇچىلارنىڭ ھەمراھلىرى (学生扶養配偶者) 3,000円
چەتئەلدىن كەلگەن مىھمانلار (海外ご来賓) 2,000円
تولۇقسىز-تولۇق ئوتتۇرا مەكتەپ ئوقۇغۇچىلىرى (中、高校生) 1,000円
باشلانغۇچ مەكتەپتىن توۋەن پەرزەنتلەر (小学生、幼児) 0円

   ※ تاماق تارتىلىدۇ

ئەسكەرتىش 

1. تىزىملىتىپ كېلىشكە چوقۇم رىئايە قىلىڭ !
  • تىزىملاتماي كەلگەنلەردىن يۇقارقى قاتنىشىىش ھەققى دىن سىرت 1000يىن قوشۇپ ھەق ئېلىنىدۇ. بوش ئورۇن         ئەھۋالغا قاراپ مەرىكىگە قاتنىشىشى رەت قىلىنىش ئېھتىماللىقىمۇ بار.
  • تىزىملاتقاندا بەلگىلەنگەن ئۇچۇرلارنى چۈشۈرۈپ قويماي تولۇق يوللاڭ.
  • تىزىملىتىپ بولغاندىن كېيىن ھەر تۈرلۈك سەۋەبلەر بىلەن قاتنىشالمايدىغان بولۇپ قالسىڭىز، يۇقۇردىكى ئېلخەت       ئادرىسىغا چوقۇم ئۇچۇر يوللاڭ (چۈنكى، ئادەم سانىغا قاراپ يىمەك-ئىچمەك تەييارلىنىدۇ…)
2. تىزىملاش مۇددىتى (3-ئاينىڭ15-كۈنى) گە چوقۇم رىئايە قىلىڭ! مۇددەت توشقان ھامان تىزىملاش توختىتىلىدۇ.
3. پائالىيئەت كۈنى ۋاقىتقا چوقۇم رىئايە قىلىڭ!

ئەزىز قېرىنداشلىرىمىزنىڭ “ 2019-يىللىق نورۇز تەنتەنىسى“ گە قەدەم تەشرىپ قىلىشىنى تەقەززالىق بىلەن كۈتىمىز!!!

ياپونىيە ئۇيغۇر نورۇز ئۇيۇشمىسى(JUN)
2019-يىللىق نورۇز تەنتەنىسى ھەيئەتلىكى
يىگىت بىشى : تۇرسۇن ھەسەن

2019-يىل 2-ئاينىڭ 17-كۈنى (توكيو)

سەھىپە: ئۇنىۋېرسال, نورۇز | ئىنكاس يېزىش

قاتنىشىش ھەققى
 (تىزىملاتماي كەلگەنلەردىن كىشى بېشىغا 1،000 يېن قوشۇپ ئېلىنىدۇ)

پوستدوكتور، كارخانىچىلار، خىزمەتچىلەر(個人事業主、会社員、Postdoctor) 6,000円
خىزمەتچىلەرنىڭ ھەمراھلىرى(扶養配偶者) 4,000円
كەسپىي تەخنىكومدىن يۇقۇرى ئوقۇغۇچىلار (大学院生、研究生、大学生、専門学校生) 4,000円
ياپون تىلى مەكتەپ ئوقۇغۇچىلىرى (日本語学校生) 3,000円
ئوقۇغۇچىلارنىڭ ھەمراھلىرى (学生扶養配偶者) 3,000円
چەتئەلدىن كەلگەن مىھمانلار (海外ご来賓) 2,000円
تولۇقسىز-تولۇق ئوتتۇرا مەكتەپ ئوقۇغۇچىلىرى (中、高校生) 1,000円
باشلانغۇچ مەكتەپتىن توۋەن پەرزەنتلەر (小学生、幼児) 0円

ئىسىم-فامىلىڭىز (تولدۇرۇش تەلەپ قلىندۇ)

ئېلخەت ئادىرسىڭىز(تولدۇرۇش تەلەپ قلىندۇ)

ئۆزىڭىز توغرىىسدا تۆۋەندىكى ئۇچۇرنى تەمىنلەڭ.

خىزمەت ئورنى ياكى مەكتەپ ئىسمى

سىز بىلەن بىرلىكتە كەلمەكچى بولغان ئائىلە ئەزالىرى، دوستلىرىڭىزنىڭ ئۇچۇرىنى تەمىنلەڭ.
ھەرقايسى شەخسىلەرنىڭ سىز بىلەن بولغان مۇناسىۋىتى شۇنداقلا خىزمەتچىمۇ، ئالىي مەكتەپ، تولۇق ئوتتۇرا مەكتەپ، تولۇقسىز ئوتتۇرا مەكتەپ ۋەياكى باشلانغۇچ مەكتەپ ئوقوغۇچىسمۇ ، شۇنداقلا مەكتەپ يىشىغا توشمىغان بالىمۇ قاتارلىقلارئۇچۇرلار بىلەن تەپىسلى تەمىن ئىتىشىڭىزنى سەمىمىي ئۈمۈد قىلىمىز.

تۇرۇشلۇق ئۈلكە-شەھەر

تېلفون نۇمرى

بۇ قىتىملىق نورۇز DVD پىلاستىنكىسىنى سىتىۋالامسىز؟( 1500 ياپون يىنى)

DVD پىلاستىنكىسى رەتلەپ ئىشلىنىپ 5-ئاينىڭ بېشىغىچە پوچتا ئارقىلىق سىز ئەۋەتكەن ئادرىسقا ئەۋەتىلىدۇ.
 سىتىۋالىمەن

پىلاستىنكا سانى :

DVD پىلاستىكىنى ئەۋەتىپ بىردىغان تەپسىلى ئادىرسىنى تەمىنلەڭ.

پوچتا نۇمىرى :

ئادىرس :

بۇ قېتىملىق نورۇز پائالىيتىدە ئالدىنقى يىللاردىكىدەكلا ،تۆۋەندىكى شەرتلەرگە ئۇيغۇن كېلىدىغان قېرىنداشلىرىمىزغا خاتىرە بۇيۇمى تەقدىم قىلىنىدۇ.
2018/3~2017/4 ئارلىقىدا دوكتورلۇق ئۈنۋانى ئالغانلار
2018/3~2017/4 ئارلىقىدا ماگىستىرلىق ئۈنۋانى ئالغانلار
2018/3 دا ئالى مەكتەپنى پۈتتۈرگەنلەر
2018/4 دا باشلانغۇچ مەكتەپكە ئوقۇشقا كىرىدىغانلار

تەبىرىكلەنگۈچى ئىسمى:

تۆۋەندىكى ئورۇندىن ئۇيغۇن كىلدىغان شەرتنى تاللاڭ :

مەكتەپ ئىسمى:

باشقا ئۇچۇرلار

كىينكى قىتىملىق نورۇز پائالىيتىمىزنىڭ تېخىمۇ ياخشى ئىلىپ بىرىلىشى ئۈچۈن تۆۋەندىكى ئانكىتقا ھەمكارلىشىڭ.

نورۇز تەنتەنسى پائالىيتىمىزگە قانچىنجى قىتىملىق قاتنىشىڭىز؟

نورۇز تەنتەنسىنىڭ ئ‍ۆتكۈزۈلىشىگە(ئەھمىيتىگە) قانداق قارايسىز ؟

سەنئەت نۇمۇرلىرىغا قاتنىششنى ئويلامسىز؟

نورۇز تەنتەنسى پائالىيتىنىڭ قاتنىشىش ھەققىنى قانداق ئويلايسىز؟

تۆۋەندىكى كىلىشىمنامىگە قوشۇلسىڭىز قوشۇلمەننى تاللاپ، تىزىملىتىش ئۇچۇرىنى يوللاڭ.(تولدۇرۇش تەلەپ قىلىندۇ)

1. بۇ پائالىيەتكە تىزىملاتقاندا ئىشلەتكەن شەخسى ئۇچۇرىڭىز رۇخسىتىڭىزنى ئالماي تۇرۇپ ئۈچۈنجى تەرەپكە تەمىنلەنمەيدۇ.
2. بۇ پائالىيەتكە تىزىملاتقاندا ئىشلەتكەن شەخسى ئۇچۇرىڭىز ئىھتىياجغا ئاساسەن نورۇز تەشكىللەش ھەيئەتلىكى تەرىپىدىن سىز بىلەن ئالاقە قىلىشقا ئىشلىتىلدۇ.
مەسلەن، كىيىنكى قىتىملىق نورۇز پائالىيەتە ۋە ياكى تەنتەرىبىيە پائالىيىتى توغرىسا ئۇچۇر قاتارلىقلارنى ئەۋەتىش دىگەندەك.
3. نورۇز پائالىيىتىدىن خاتىرە قالدۇرۇش ئۈچۈن رەسىمگە تارتىش ۋە ۋىدەئوغا ئىلىش ئىلىپ بىرىلدىغان بولۇپ، بۇ رەسىم ۋە ۋىدىئولار پائالىيەتتىن خاتىرە سۈپىتىدە www.noruz-jp.com غا قويۇلدۇ.
4. پائالىيەت ئالدىن بىكتىلگەن كۈنتەرتىپ بويىچە ئىلىپ بىرىلدىغان بولۇپ، پائالىيەت جەريانىدا قاتناشقۇچىلارنىڭ تەلىپىگە ئاساسەن پائالىيەت مەزمۇنىغا تۇيۇقسىز ئۆزگەرتىش كىرگۈزۈلمەيدۈ.

 قوشۇلىمەن

ۋاقىت: ئاپتور: admin | ئىنكاس يېزىش

JUN نىڭ تەشكىللىشىدىكى ئاپەت رايونىغا ياردەم بېرىش پىدائىيلار پائالىيىتى

 

6-ئاينىڭ 28-كۈنىدىن 7-ئاينىڭ 10- كۈنىگىچە ياپونىيە 82-يىلدىن كېيىنكى ئەڭ ئېغىر يامغۇر ئاپىتىنىڭ تەسىرگە ئۇچرىدى. ئاپەتتە قازا قىلغانلارنىڭ سانى 200 دىن ئاشتى. بۇزۇلغان ئۆيلەرنىڭ سانى 40 مىڭغا يەتتى. ئوكاياما ۋىلايىتى كۇراشىكى شەھىرىدە ئوداكا دەرياسىنىڭ تېشىپ كېتىشى، توسمىلارنىڭ بۇزۇلۇپ كېتىش سەۋەبىدىن ئاپەتنىڭ زىيىنى پەۋقۇللادە ئېغىر بولدى. كەلكۈننىڭ ئېگىزلىكى 5 مېتىرغا يەتتى. 3.5 كۇۋادرات كىلومېتىر دائىرىدىكى بارلىق ئۆيلەر ئوخشىمىغان دەرىجىدە بۇزغۇنچىلىققا ئۇچرىدى.  قازا قىلغانلارنىڭ سانى 51 نەپەر بولدى.

ئاپەت بولغان رايونلاردا كىشىلەرنىڭ تۇرمۇشىنى ئەسلىگە كەلتۈرۈش ئۈچۈن ئالدى بىلەن ئولتۇراق ئۆيلەرنى ئەسلىگە كەلتۈرۈش لازىم ئىدى. بۇ مەشغۇلاتلارنى قۇرۇلۇش ماشىنىلىرى بىلەن ئىلىپ بارغىلى بولمايتتى. پەقەت ئادەم كۈچىگە تايىنىشقىلا بولاتتى. ئەپسۇس! ئاپەتكە ئۇچرىغان رايونلار يېتەرلىك ئادەم كۈچىنى تەمىنلەپ بېرەلمەيتتى. شۇڭا ئاپەت رايونى باشقا رايونلاردىن كېلەلەيدىغان پىدائىيلار قوشۇنىغا ئېھتىياجلىق ئىدى.

ۋەتەن ئىچى، سىرتىدىكى ئۇيغۇر خەلقى ئالدىنقى ئەسىرنىڭ 80-يىللىرىدىن باشلاپ ياپونىيە خەلقىنىڭ ھەر خىلدىكى ياردەملىرىگە ئېرىشىپ كەلدى. بۇ ياردەملەر ھازىرمۇ داۋاملىشىۋاتىدۇ. ياپونىيە دۇنيادىكى ئۇيغۇرلارغا قوينىنى كەڭ ئاچقان دۆلەتلەرنىڭ بىرى. بىزنىڭ ياپونىيە خەلقىگە مىننەتدارلىقىمىز، رەھمىتىمىز بار. قېرىنداشلىرىمىزنىڭ بۇ ياخشى نىيەت-ئويلىرىنى ئەمەلىيلەشتۈرۈشنى مەقسەت قىلىپ ‹ياپونىيە ئۇيغۇر نورۇز ئۇيۇشمىسى› ئۇيۇشمىنىڭ پېشقەدەم ئەزالىرى ئابدۇغۇپۇر ئابدۇكېرىم ، دىلمۇرات تىلىۋالدى ئەپەندىلەرنىڭ تەشەببۇسى، ئۇيۇشما رەئىسى ئەخمەتجان ئابدۇرېھىم ئەپەندىنىڭ تەشكىللىشى ۋە باش بولۇشى،  بارلىق قېرىنداشلىرىمىزنىڭ ئاۋاز قوشۇشى بىلەن 7-ئاينىڭ 28-كۈنى ئاپەت ئەڭ ئېغىر بولغان  كۇراشىكى شەھىرىگە بېرىپ پىدائىي بولۇش پائالىيىتى پىلانلاندى. ئەپسۇس، 28-چېسلا ياپونىيە يەنە بىر قېتىم كۈچلۈك  تەيفېڭ بورىنىنىڭ تەسىرگە ئۇچرىغانلىقىدىن  پىدائىيلار پائالىيىتى ئامالسىز 8-ئاينىڭ 4-كۈنىگە كېچىكتۈرۈلدى. پائالىيەت جەريانى جاپالىق، لېكىن ئىنتايىن ئەھمىيەتلىك بولدى. توكيو، ئوساكا، كوبې، نارا ئەتراپىدىن 45 نەپەر پىدائىي قېرىنداشلىرىمىز بارلىق قېرىنداشلارغا  ۋاكالىتەن ئاپەت رايونىدا ياردەمدە بولدى.  ئاپەت رايونىغا دەل ۋاقتىدا كېچىكمەي بېرىش ئۈچۈن توكيو ئەتراپىدىكى قېرىنداشلار  3-چېسلا كەچ سائەت 10 دا  يولغا چىقىپ، 9 سائەت يول يۈرۈش بىلەن ئەتىگەن سائەت 7 دە مەنزىلگە يېتىپ باردى. شۇ كۈندىكى تېمپېراتۇرا 38 گە يەتكەن بولسىمۇ، ئېغىر ئۇيقۇسىراش ئەھۋاللىرى بولغان بولسىمۇ، بارلىق قېرىنداشلار  بىر نەچچە  گۇرۇپپىغا بۆلۈنۈپ تاپشۇرۇلغان ئەمگەكلەرنى نورمىدىن ئاشۇرۇپ ئىنتايىن ياخشى ئورۇنلىدى. پائالىيەت مەزمۇنىمىز پەقەت ئەمگەك ئەمەس. پىدائىيلارنى تەشكىللەش مەركىزىنىڭ ھاۋالىسى بىلەن بارلىق پىدائىيلار ئۈچۈن 450 كىشىلىك تاماق تەييارلاندى. ئاپەت رايونىدىكىلەرگە، پىدائىيلار مەركىزىدىكى خىزمەتچىلەرگە ھېچقانداق ئاۋارىچىلىك قىلماسلىق ئۈچۈن خالمەت روزاخون، خەمىت ئوسمان قاتارلىق  قېرىنداشلىرىمىز بارلىق لازىملىق نەرسىلەرنى توكيودا تەييارلاپ ئاپەت رايونىغا ئېلىپ باردى.

پائالىيەتنىڭ تەييارلىق خىزمەتلىرى جەرياندا قېرىنداشلىرىمىز بىر بىرىگە بولغان كۆيۈنۈش، قوللاشنى تولۇق ئىپادىلىدى. ئاپەت رايونىغا بارالمىغان قېرىنداشلىرىمىز پائالىيەتنى ئىقتىساد جەھەتتىن، ماددىي جەھەتتىن قوللىدى. يېمەكلىكلەرنى، ئىچىملىكلەرنى، ئىشلىتىدىغان بۇيۇملارنى تەييارلاپ بەردى.

ئاخىرقى سۆزىمىز،

بىز ئۇيغۇرلار ياخشىلىقنى ھەرگىز ئۇنتۇپ قالمايدىغان، بىر ياخشىلىققا ئون ھەسسە جاۋاب قايتۇرىدىغان ئاق كۆڭۈل، ئېسىل خىسلەتلىك مىللەت. گەرچە بىر كۈن ئىچىدە بەك چوڭ ئىش قىلىپ بېرەلمىگەن بولساقمۇ ياپونلۇق دوستلىرىمىزغا ئازراق بولسىمۇ كۆڭلىمىزنى يەتكۈزەلىگەن بولساق شۇنىڭ ئۆزى بىز ئۈچۈن زور خۇشاللىقتۇر.

بىز ئورتاق نىيەتتە ئۇيۇشساق، ئالدىمىزدىكى ھەرقانداق  مۈشكۈلاتلارنى يېڭىپ كېتەلەيمىز.

پائالىيىتىمىزنىڭ سىن كۆرۈنۈشلىرى

ياپونىيە ئۇيغۇر نورۇز ئۇيۇشمىسى
2018-يىلى 8-ئاينىڭ 7- كۈنى ياپونىيە، توكيو

سەھىپە: ئۇنىۋېرسال, پائالىيەتلەر | ئىنكاس يېزىش

2017-يىللىق ياپونىيە نورۇز تەنتەنىسى خۇلاسە خەۋىرى

2017-يىللىق ياپونىيە نورۇز تەنتەنىسى 3-ئاينىڭ 20-كۈنى (دۈشەنبە) ياپونىيەنىڭ توكيو شەھىرىدە داغدۇغىلىق ئۆتكۈزۈلۈپ، غەلىبىلىك ئاياغلاشتى.

بۇ مەرىكىگە، ياپونىيەنىڭ توكيونى ئۆز ئىچىگە ئالغان كانتو رايونى ۋە باشقا شەھەر-ئۆلكىلىرىدە ياشاۋاتقان ئۇيغۇرلار، ۋە ئۇلارنىڭ ئائىلە تاۋابىئاتلىرى، شۇنداقلا ئانا يۇرتىمىزدىن تۇغقان يوقلاش، ساياھەت قاتارلىق سەۋەبلەر بىلەن ياپونىيەگە كەلگەن مېھمانلار بولۇپ جەمئىي 300 گە يېقىن كىشى ئىشتىراك قىلدى.

2012-يىلى 3-ئاينىڭ21-كۈنى ياپونىيەنىڭ توكيو شەھىرىدە نورۇز تەشكىللەش ھەيئەتلىكىنىڭ ئورۇنلاشتۇرۇشى بىلەن ئۆزىمىزنىڭ ئۇيغۇر ئەنئەنىسى بويىچە نورۇز تەنتەنىسى ئۆتكۈزۈلگەن ئىدى. مانا بۇ يىل ياپونىيە نورۇز تەنتەنىسى ئۆزىنىڭ 6-يىللىق شانلىق سەھىپىسىنى كۈتۈۋالدى. نورۇز تەنتەنىسىنىڭ مەزمۇنى يىلدىن-يىلغا مۇكەممەللىشىپ، ياشلىرىمىز ۋە پەرزەنتلىرىمىزگە بولغان تەربىيىۋى ئەھمىيىتى بارغانسېرى كۈچىيىشكە، قاتنىشىش ئادەم سانىمۇ يىلدىن-يىلغا كۆپىيىشكە باشلىدى.

ياپونىيە نورۇز تەنتەنىسى نىڭ ئاساسلىق مەقسەت مۇددىئاسى،
(1) ئەجدادلىرىمىزنىڭ بىزگە قالدۇرۇپ كەتكەن ئەنئەنىۋى مىراس (نورۇز) لىرىغا ۋارىسلىق قىلىش؛
(2) ئانا تىلىمىز، ئانا مەدەنىيىتىمىز ۋە گۈزەل ئۆرۈپ ئادەتلىرىمىزنى ساقلاش ۋە ئۇنى بېيىتىش؛
(3) ئالىي مەكتەپ تولۇق كۇرسى، ماگىستىر ۋە دوكتورلۇقنى تاماملىغان قېرىنداشلىرىمىزنى تەبرىكلەش؛ يېڭىدىن باشلانغۇچ مەكتەپكە كىرگەن ئوماق پەرزەنتلىرىمىزنى تەبرىكلەش ۋە ئىلھام بېرىش؛
(4) ياپونىيەدەك رىقابەت ئىنتايىن كەسكىن بولغان پەن-تېخنىكا دۆلىتىدە، يىل بويى ئۆگىنىش، تەتقىقات ۋە خىزمەتتىن باش كۆتۈرەلمەي كۆپ چارچىغان قېرىنداشلىرىمىزغا ھارغىنلىقنى ئۇنتۇپ ئۆز-ئارا دىدارلىشىش ۋە مۇڭدىشىش  پۇرسىتى يارىتىپ بېرىش؛
(5) بايرام خۇشاللىقىدىن ئورتاق بەھرىمەن بولۇشلاردىن ئىبارەتتۇر.

ياپونىيە نورۇز تەنتەنىسى، ياپونىيە ئۇيغۇر نورۇز ئۇيۇشمىسىنىڭ (قىسقارتىلمىسى:JUN) نىڭ يېتەكچىلىكىدە، ھەر يىلى ياپونىيە نورۇز ئاكادېمىيە يىغىنى (2017-يىللىق ياپونىيە نورۇز ئاكادېمىيە يىغىنى 3-ئاينىڭ 11-كۈنى توكيودا ئۆتكۈزۈلدى. بۇ يىغىننىڭ تەپسىلاتىنى بۇ يەردىن كۆرۈڭ) غا ئۇلىشىپلا ئۆتكۈزۈلۈپ كېلىنمەكتە.

ئىنتايىن قاينام-تاشقىن، قىزغىن كەيپىياتتا ئۆتكۈزۈلگەن بۇ يىللىق ياپونىيە نورۇز تەنتەنىسى، ياپونىيەدە ئۆگىنىش، تەتقىقات، خىزمەت ۋە پەرزەنت تەربىيىلەش بىلەن چارچىغان، ئانا يۇرتىنى چىن يۈرىكىدىن سېغىنغان قېرىنداشلىرىمىزنىڭ چىرايلىرىغا تەبەسسۇم، كۆڭۈللىرىگە شاتلىق ئېلىپ كەلدى.

بۇ يىللىق نورۇز تەنتەنىسىدىمۇ يىللاردىكىگە ئوخشاش كوللېكتىپ خور، مىللىيچە ۋە زامانىۋى ناخشا-ئۇسۇل، شۇنداقلا ئوماق پەرزەنتلىرىمىزنىڭ ئورۇنلىشىدىكى سەرخىل سەنئەت نومۇرلىرى سەھنىگە ئېلىپ چىقىلىپ، قېرىنداشلىرىمىزغا ۋەتەن سۆيگۈسىنى ئەسلىتىشتىن باشقا، روھى جەھەتتىن مەدەت ۋە جاسارەت  بېغىشلىدى، پەرزەنتلىرىمىزگە بولسا مىللىي كىملىكىمىزنى تونۇش پۇرسىتى ئاتا قىلدى.

مەرىكىدە يەنە، دوكتورلۇق، ماگىستىرلىق ۋە ئالىي مەكتەپ تولۇق كۇرسنى پۈتتۈرگەن 10 نەپەر قېرىندىشىمىزغا، ۋە يېڭىدىن باشلانغۇچ مەكتەپ قوينىغا قەدەم قويغان 15 نەپەر پەرزەنتىمىزگە ياپونىيە ئۇيغۇر نورۇز ئۇيۇشمىسىنىڭ نامىدىن تەييارلانغان خاتىرە بۇيۇمى ھەدىيە قىلىندى.

ياپونىيەدە ئىگىلىك تىكلەپ تىز سۈر`ئەتتە گۈللىنىۋاتقان، شۇنداقلا ۋەتەن بىلەن بولغان خەلقئارالىق سودا ۋە باشقا ساھەلەردە مۇۋەپپەقىيەت قازىنىۋاتقان، بوستانلىق تارىم شىركىتى، فۇجىكى شىركىتى، كاورى شىركىتى (Kaori Japan)، يالقۇنتاغ رېستورانى، ياپونىيە يىپەك يولى شىركىتى (Japan Silkroad)، كروران خەلقئارا شىركىتى، كۆك ئەتىرگۈل شىركىتى، ساراي شىركىتى، تەكلىماكان خەلقئارا ھەسسىدارلىق شىركىتى، ئۇيۇل شىركىتى قاتارلىق شىركەتلەر ئىقتىسادىي جەھەتتىن ياردەم قولىنى سۇنۇپ ئۆزلىرىنىڭ مەرىپەتپەرۋەر، خەلقپەرۋەر ئالىيجاناب روھىنى نامايان قىلدى. بىز ئۇلارغا چوڭقۇر تەشەككۈر ئېيتىمىز.
(يۇقىرىقى شىركەت ئىسىملىرى ھەرىپ تەرتىپى بويىچە تىزىلدى)

بىز، بۇ يىللىق نورۇز تەنتەنىسىنى پىلانلاش ۋە ئۇنىڭ غەلىبىلىك ئېچىلىشىغا ئالاھىدە ئەجىر سىڭدۈرگەن، يىگىت بېشى شەمشىدىن شەيخىدىنگە ۋە نورۇز تەشكىللەش ھەيئەتلىكىدىكى بارلىق قېرىنداشلىرىمىزغا چىن قەلبىمىزدىن رەھمەت ئېيتىمىز.

2017-يىللىق نورۇز تەنتەنىسى يىگىت بېشى: شەمشىدىن شەيخىدىن

2017-يىللىق ياپونىيە نورۇز تەنتەنىسىنىڭ رىياسەتچىسى: ئەلقەم ئەكرەم ۋە خالمۇرات سەمەت

ئاخىرىدا ياپونىيەدىكى ئالدىراشچىلىققا تولغان ئوقۇش، خىزمەت ۋە تۇرمۇش رىتىمى ئىچىدىن ئالتۇندەك ۋاقتىنى چىقىرىپ نورۇز تەنتەنىمىزگە قەدەم تەشرىپ قىلغان قەدىردان مېھمانلارغا، شۇنداقلا يىللاردىن بۇيان نورۇز پائالىيەتلىرىمىزنى ئىزچىل قوللاپ، خالىس خىزمەت قىلىپ كېلىۋاتقان بارلىق ئوت يۈرەك پىدائىي يىگىت-قىزلىرىمىزغا ئالاھىدە ھۆرمىتىمىزنى ۋە رەھمىتىمىزنى ئېيتىمىز.

يېڭى باھارنىڭ بىزگە تېخىمۇ كوپ بەرىكەت ۋە ياخشىلىقلارنى ئېلىپ كېلىشىنى ئۇلۇغ ئاللا دىن تىلەيمىز!

كەلدى نورۇز، كۈلدى غۇنچە، كۆڭۈل يايرىدى،
گۈل ئىشقىدا خەندان ئۇرۇپ بۇلبۇل سايرىدى!

ئەسكەرتىش:
ئەگەر 2017-يىللىق ياپونىيە نورۇز تەنتەنىسى خەۋىرىنى تارقاتماقچى بولسىڭىز، خەۋەر مەنبەسىگە ھۆرمەت قىلىپ ئوز ئەينى بويىچە تارقىتىڭ، ياكى بولمىسا خەۋەر تارقىتىشتىن بۇرۇن بىز (ياپونىيە ئۇيغۇر نورۇز ئۇيۇشمىسى:JUN) بىلەن ئالاقىلىشىڭ.

ئالىي ئېھتىرام بىلەن،

ياپونىيە ئۇيغۇر نورۇز ئۇيۇشمىسى
2017-يىللىق نورۇز مەرىكىسى تەشكىللەش ھەيئەتلىكى
2017/3/20 (توكيو)

2017-يىللىق ياپونىيە نورۇز تەنتەنىسى كۆرۈنۈشلىرى

سەھىپە: ئۇنىۋېرسال | 2 باھا

2017-يىللىق ياپونىيە نورۇز ئاكادېمىيە يىغىنىنىڭ خۇلاسە ئۇچۇرى

4-قېتىملىق ياپونىيە نورۇز ئاكادېمىيە يىغىنى 2017-يىلى 3-ئاينىڭ 11-كۈنى (شەنبە) ياپونىيەنىڭ توكيو شەھىرى كىتاكۇ رايونى ئاكابانە ئاممىۋى كۇلۇبىدا ئېچىلىپ غەلىبىلىك ئاياغلاشتى.

بۇ يىغىنغا، ياپونىيەنىڭ توكيونى ئۆز ئىچىگە ئالغان كانتو رايونى، ناگانو، ناگويا، كانازاۋا قاتارلىق ۋىلايەت شەھەرلەردىن بولۇپ 80 دىن ئارتۇق كىشى ئىشتىراك قىلدى.

يىغىندا ياپونىيەدىكى ئالىي مەكتەپلەردە ئوقۇۋاتقان ماگىستىر ۋە دوكتور ئاسپىرانتلىرى، دوكتور ئاشتى تەتقىقاتچىلار، ئۇنىۋېرسىتېت پروفېسسورلىرى ۋە شىركەت خادىملىرىدىن بولۇپ جەمئىي 14 نەپەر كىشى، فىزىكا، ئۇچۇر ئالاقە تېخنىكىسى، مېدىتسىنا، ئۇيغۇر تېبابىتى، ماتېماتىكا، جۇغراپىيە، ئىقتىساد، ساياھەت ۋە بالىلار مائارىپى كەسىپلىرى بويىچە ئۆزلىرىنىڭ تەتقىقات مېۋىلىرىنى ئۇيغۇر ئانا تىلىدا دوكلات بەردى (يىغىن كىرىش سۆزى  ۋە يىغىننىڭ دوكلات مەزمۇنلىرىنى بۇ يەردىن كۆرەلەيسىز).
يىغىندا يەنە تەكلىپ بىلەن قاتناشقان، ياپونىيە چەتئەللىك ئوقۇغۇچىلارنى قوللاش جەمئىيىتىنىڭ ئىشخانا باشلىقى مانابۇ كۇبوتا ئەپەندىم، «ياپونىيەدىكى ئىشقا ئورۇنلىشىش پائالىيەتلىرىنىڭ جەريانى ۋە تەدبىرلىرى» دېگەن تېمىدا ياپون تىلىدا ئالاھىدە نۇتۇق سۆزلەپ بەردى.

يىغىن جەريانىدا، دوكلات بەرگۈچىلەرگە نىسبەتەن ھەر خىل سوئاللار، تەكلىپ پىكىرلەر ئوتتۇرىغا قويۇلدى. بىر قىسىم قىزىق نۇقتىلار ئۈستىدە قىزغىن بەس-مۇنازىرىلەر بولدى.
يىغىن باشتىن ئاخىرغىچە ئىنتايىن قىزغىن ۋە جانلىق كەيپىياتتا ئېلىپ بېرىلدى.
يىغىن ئەھلى بىردەك، ئۇيغۇر تىلىنىڭ گۈزەللىكى ۋە ئىپادىلەش كۈچىنىڭ نەقەدەر موللىقىدىن سۆيۈندى.
شۇنىڭ بىلەن بىرگە ئۇيغۇر تىلىنىڭ ھازىرقى زامان پەن-تېخنىكىسىنىڭ تەرەققىياتىغا تامامەن ماسلىشىپ كېتەلەيدىغىنىدىن ئىپتىخار ھېس قىلىشتى.

بۇ يىلدىكى ئاكادېمىيە يىغىننىڭ يەنە بىر يېڭى مەزمۇنى بولسا، دوكلات بەرگۈچىلەرنىڭ ھەر بىرى ئوز تەتقىقاتلىرىغا مۇناسىۋەتلىك 10 ئاتالغۇنىڭ ئۇيغۇرچىسىنى تەييارلاپ، جەمئىي 153 سۆزلۈكنى يىغىن پروگراممىسىغا كىرگۈزۈش بولدى. ئۇيغۇرچە يېڭى پەن-تېخنىكا ئاتالغۇلىرىنى يىغىش، سۆزلۈكلەر ئامبىرى ياساش ۋە ئۇنى كەڭ ئاممىغا ئومۇملاشتۇرۇش نورۇز ئاكادېمىيە يىغىنىنىڭ يەنە بىر نىشانى قىلىپ بېكىتىلدى.

بىز، بۇ يىللىق نورۇز ئاكادېمىيە يىغىنىنى پىلانلاش ۋە ئۇنىڭ غەلىبىلىك ئېچىلىشىغا ئالاھىدە ئەجىر سىڭدۈرگەن، يىغىن رەئىسى دىلشات ئابدۇرېھىم، مۇئاۋىن رەئىسى غەيرەت غېنى ۋە باشقا ھەيئەتلەرگە چىن قەلبىمىزدىن رەھمەت ئېيتىمىز.

ياپونىيە نورۇز ئاكادېمىيە يىغىنى، ياپونىيە ئۇيغۇر نورۇز ئۇيۇشمىسى (قىسقارتىلمىسى:JUN) نىڭ يېتەكچىلىكىدە ھەر يىلى ياپونىيە نورۇز ئاكادېمىيە يىغىنى ھەيئەتلىكى تەسىس قىلىنىپ، ھەيئەت مەسئۇلى ۋە ھەيئەت ئەزالىرىنىڭ جان كۆيدۈرۈشى نەتىجىسىدە ئېلىپ بېرىلىۋاتىدۇ.

بۇندىن تەخمىنەن 20 يىل ئىلگىرى، ئانا يۇرتىمىزدىن ياپونىيەگە كېلىپ ئىلىم تەھسىل قىلغان پېشقەدەملىرىمىزدىن Dr.مەمتىمىن غېنى، Dr.ئىليار شەيخىدىن، Dr.تاشپۇلات روزى ۋە Dr.دىلشات ئابلا قاتارلىق ئاكىلار UMID (ئۇيغۇر مۇتەخەسسىسلەر ئىلمىي دوكلات) يىغىنىنى تەسىس قىلىپ، 1998-يىلى تۇنجى قېتىم ئۆزلىرىنىڭ تەتقىقات نەتىجىسى توغرىسىدا ئانا تىل، شۇنداقلا ياپون تىلى، خەنزۇ تىلى ۋە ئىنگلىز تىللىرىدا ئىلمى دوكلات بەرگەن ئىدى. شۇندىن كىيىن ئۇلار ياپونىيە دۆلەت ئىچى-سىرتىدا ئېلان قىلغان ئىلمى ماقالىلىرىنى رەتلەپ «Modern Research in High-technology & Science» ماقالىلەر توپلىمى قىلىپ ياپونىيەدە نەشر قىلدۇرغان ئىدى. ئەينى يىللىرى UMID ھەيئەتلىرىنى ياپونىيە مائارىپ مىنىستىرلىقى (文部省) نىڭ مىنىستىرى قوبۇل قىلغان ۋە ماقالىلەر توپلىمىغا بېغىشلىما يېزىپ بەرگەن ئىدى. بۇ UMID يىغىنىنى يەنە شىنجاڭ ئۇيغۇر ئاپتونوم رايونلۇق ھۆكۈمەت ۋە مائارىپ كومىتېتىنىڭ رەھبەرلىرى قىزغىن قوللاپ قۇۋۋەتلىگەن ۋە بۇ پائالىيەتكە ئىنتايىن يۇقىرى باھا بېرىپ، توپلامغا بېغىشلىما يېزىپ ئوز ئىمزالىرىنى قويۇشقان ئىدى.

يىللاردىن بېرى ياپونىيەدىكى ئالىي مەكتەپلەردە ئوقۇۋاتقان ماگىستىر ۋە دوكتور ئاسپىرانتلىرى، دوكتور ئاشتى تەتقىقاتچىلار ۋە ياپونىيەدە خىزمەت قىلىۋاتقان ئۇيغۇرلار ئۆزلىرىنىڭ تەتقىقات نەتىجىلىرىنى ياپونىيە دۆلەت ئىچى ۋە سىرتىدىكى داڭلىق ئىلمىي ژۇرناللاردا ياپون تىلى، ئىنگلىز تىلى ۋە خەنزۇ تىلىدا ئېلان قىلىپ كېلىۋاتىدۇ. بىز، بۇ ئەزىمەتلىرىمىزدىن ئىنتايىن پەخىرلىنىمىز ۋە ئىپتىخار ھېس قىلىمىز.

ياپونىيە ئۇيغۇر نورۇز ئۇيۇشمىسى، ئىلگىرىكى ئاكا-ھەدىلىرىمىز (پېشقەدەملىرىمىز) نىڭ ئىزىنى بېسىپ UMID يىغىنىنىڭ داۋامى سۈپىتىدە «ياپونىيە نورۇز ئاكادېمىيە يىغىنى» نى داۋاملاشتۇرۇپ كېلىۋاتىدۇ ۋە ئۇنى تېخىمۇ جانلاندۇرماقتا.

ياپونىيە نورۇز ئاكادېمىيە يىغىنى، ياپونىيەدە ياشاپ ئىلىم تەھسىل قىلىۋاتقان ۋە خىزمەت قىلىۋاتقان قېرىنداشلىرىمىزغا
(1) ئۆزلىرىنىڭ ئىلمى-تەتقىقات نەتىجىلىرى ۋە خىزمەت نەتىجىلىرىنى ئوز خەلقىگە، ئوز ئانا تىلىدا دوكلات بېرىش پۇرسىتى يارىتىپ بېرىش
(2) ياپونىيەدىكى زىيالىيلىرىمىزغا، تەتقىقات نەتىجىلىرى توغرىسىدا ئوز-ئارا پىكىر ئالماشتۇرىدىغان سەھنە يارىتىپ بېرىش
(3) ئانا تىلىمىزنى قەدىرلەش، بېيىتىش ۋە ئۇنى ئۇچقاندەك تەرەققىي قىلىۋاتقان ھازىرقى زامان ئىلىم-پەن تەرەققىياتىغا ماسلاشتۇرۇش ئۈچۈن ئەمىلى ئىش قىلىش
(4) ئۇيغۇرچە يېڭى پەن-تېخنىكا ئاتالغۇلىرىنى يىغىش، سۆزلۈكلەر ئامبىرى ياساش ۋە ئۇنى كەڭ ئاممىغا ئومۇملاشتۇرۇش
نى ئاساسلىق مەقسەت ۋە نىشان قىلىدۇ.

ئىشىنىمىزكى، ياپونىيە نورۇز ئاكادېمىيە يىغىنى بۇندىن كىيىن تېخىمۇ گۈللىنىپ تەرەققىي قىلغۇسى!

ئەسكەرتىش:
ئەگەر ياپونىيە نورۇز ئاكادېمىيە يىغىنىنىڭ خەۋىرىنى تارقاتماقچى بولسىڭىز، خەۋەر مەنبەسىگە ھۆرمەت قىلىپ ئوز ئەينى بويىچە تارقىتىڭ ياكى بولمىسا خەۋەر تارقىتىشتىن بۇرۇن بىز (JUN ئاكادېمىيىسى) بىلەن ئالاقىلىشىڭ.

ئالىي ئېھتىرام بىلەن،
ياپونىيە ئۇيغۇر نورۇز ئۇيۇشمىسى
ياپونىيە نورۇز ئاكادېمىيە يىغىنى ھەيئەتلىكى

2017-يىلى 3-ئاينىڭ 12-كۈنى (يەكشەنبە)

 

2017-يىللىق ياپونىيە نورۇز ئاكادېمىيە يىغىنىنىڭ كۆرۈنۈشلىرى

يىغىن رەئىسى: دىلشات ئابدۇرەھىم

يىغىن رەئىسى: دىلشات ئابدۇرېھىم

يىغىن رىياسەتچىسى: Dr.غەيرەت غېنى

يىغىن رىياسەتچىسى: Dr.غەيرەت غېنى

يىغىن خۇلاسىسىدە: Dr.دىلمۇرات تىلىۋالدى

يىغىن خۇلاسىسىدە:Dr.دىلمۇرات تىلىۋالدى

دوكلات بەرگۈچىلەر

Slideshow

سەھىپە: ئۇنىۋېرسال, نورۇز ئاكادېمىيىسى | ئىنكاس يېزىش

2017-يىللىق ياپونىيە نورۇز ئاكادېمىيە يىغىنىنىڭ كۈن تەرتىپى

سەھىپە: ئۇنىۋېرسال, نورۇز ئاكادېمىيىسى | ئىنكاس يېزىش

2017-يىللىق نورۇز تەنتەنىسگە تەكلىپ

2017-يىللىق “نورۇز تەنتەنىسى” گە تەكلىپ(日本語でのご案内はこちら)

(2017-yilliq noruz merikisige teklip(yigi yiziq nusxisi

كەلدى نورۇز، كۈلدى غۇنچە، كۆڭۈل يايرىدى،
گۈل ئىشقىدا خەندان ئۇرۇپ بۇلبۇل سايرىدى!

ئەسسالامۇ’ئەلەيكۇم ياپونىيە دىيارىدا ئورتاق نەپەس ئېلىۋاتقان يىلتىزداش قېرىنداشلار:

زىمىنغا ھايات پەيزىنى بەخىش ئەتكۈچى يېڭى باھارنىڭ يېقىنلىشىشىغا ئەگىشىپ، ھەممىمىز تەقاززالىق بىلەن كۈتۈۋاتقان توكيودىكى
2017-يىللىق نورۇز تەنتەنىسىىنىڭ مىنۇتلىرىمۇ يېتىپ كېلىش ئالدىدا تۇرماقتا.
نورۇز بايرىمى تۈرك مىللەتلىرىنىڭ ئەنئەنىۋى مىللىي بايرىمى بولۇپ، ئۇزۇن تارىختىن بۇيان، بىزنىڭ ئەجدادلىرىمىز تەنتەنە قىلىپ ئەۋلادلارغا قالدۇرۇپ كەتكەن بىباھا مەنىۋى مىراسلارنىڭ بىرسىدۇر.

ياپونىيەدىكى نورۇز تەنتەنىسىمۇ ئۆزىگە خاس بەدىئىيلىكى ۋە مەزمۇن جەھەتتىكى موللۇقى بىلەن،
ياپونىيە تۇپرىقىدا ئوقۇش، خىزمەت ۋە ئا’ئىلە مۇلازىمىتى بىلەن چارچاۋاتقان يىگىت-قىزلىرىمىزنىڭ جىسمانى ۋە
روھى جەھەتتىكى بېسىمىنى يېنىكلىتىدىغان ئارامگاھىغا ؛
ياپونىيەدە تۇغۇلۇپ چوڭ بولۇۋاتقان پەرزەنتلىرىمىزگە مىللى ئۆرۈپ-ئادەت، مەدىنىيىتىمىزنى ئۈگىتىدىغان دەرسخانىغا؛
پىشقەدەملەر بىلەن يېڭى كەلگەن ئوقۇغۇچىلارنى ئوز-ئارا ئۇچراشتۇرۇپ، ئىللىقلىق يەتكۈزىدىغان مەشرەپ سورۇنىغا؛
ئوقۇش پۈتتۈرگەن قېرىنداشلىرىمىز ۋە يېڭىدىن ئوقۇشقا كىرمەكچى بولۇۋاتقان پەرزەنتلىرىمىزنى تەبرىكلەپ، ئىلھام
بەخىش ئېتىدىغان سەھنىگە؛
شۇنداقلا ۋەتەندىن كەلگەن ئاتا-ئانا، قېرىنداش، مىھمانلىرىمىزغا ھورمىتىمىز ۋە سەمىمىي سالىمىمىزنى يوللايدىغان
دەستىرخانىمىزغا ئايلاندى.

مانا بۇ يىلمۇ ياپونىيە ئۇيغۇر نورۇز ئۇيۇشمىسىنىڭ يىتەكچىلىكى، نورۇز تەنتەنىسىى تەشكىللەش ھەيئەتلىگىدىكى ئوت يۈرەك پىدائىيلىرىمىزنىڭ پىلانلىشى، شۇنداقلا ئالتۇندەك ۋاقتىنى مۇشۇ مىللىي بايرىمىمىزنىڭ غەلىبىلىك ئۆتكۈزۈلۈشىگە خالىس تەقدىم قىلغان ئەل سۆيەر يىگىت-قىزلىرىمىزنىڭ تىرىشچانلىقى نەتىجىسىدە 2018-يىللىق نورۇز تەنتەنىسىنى تۆۋەندىكى كۈنتەرتىپ ۋە مەزمۇن بويىچە ئۆتكۈزمەكچى بولۇۋاتىمىز.

ئەزىز قېرىنداشلىرىمىزنىڭ قىممەتلىك ۋاقتىنى چىقىرىپ مەرىكىمىزنىڭ مېھمىنى ۋە ساھىبخىنى
بولۇپ بېرىشىنى چىن دىلىمىزدىن ئۈمىد قىلىمىز!

پائالىيەت ۋاقتى: 2017-يىل 3-ئاينىڭ 20-كۈنى (دۇشەنبە) سائەت 17:00 ~ 12:00
* مىھمان قوبۇل قىلىش(受付) ۋاقتى: 12:00-12:30

ۋاقىتقا قەتئى رىئايە قىلىڭ!!!

پائالىيەت ئورنى: シーバンスホール浜松町

東京都港区芝浦一丁目2番2号 シーバンス ア・モール3F
http://www.seavanshall.jp/index.html

تىزىمغا ئالدۇرۇش ئۇسۇلى:
1. تور بەت ئارقىلىق تىزىمغا ئالدۇرۇش
تۆۋەندىكى تور بەت ئارقىلىق مۇناسىۋەتلىك ئۇچۇرلارنى تىزىملاش ھەيئەتلىرىگە يوللىشىڭىزنى ئۈمىد قىلىمىز.
http://www.noruz-jp.com/2017-yilliq_noruz_paaliytige_tizimlitish

2. ئېلخەت (E-mail) ئارقىلىق تىزىملىتىش
ئەگەر يۇقىرىدىكى تور بەت ئارقىلىق تىزىملىتىش قۇلايسىز بولسا، ئېلخەت ئادرىسىمىزغا تۆۋەندىكى
بەلگىلەنگەن ئۇچۇرلارنى يوللىشىڭىزنى ئۈمىد قىلىمىز.
ئېلخەت ئادرىسىمىز jun@noruz-jp.com
1) تىزىملاتقۇچى ۋە بىللە قاتناشقۇچىلارنىڭ ئىسىم-فامىلىسى(Alphabet)، تىزىملاتقۇچى بىلەن بولغان مۇناسىۋىتى ،ۋە پەرزەنتلەرنىڭ يېشى.
2) سالاھىيىتى (خىزمەتچى، ئوقۇغۇچى، چەتئەلدىن كەلگەن مىھمان قاتارلىق…)
3) شىركەت ياكى مەكتەپ ئىسمى
4) ئولتۇرۇشلۇق ئۆلكە ۋە شەھەر ئىسمى
5) ئېلخەت (E-mail) ئادرىسى
6) تەبرىكلەنگۈچى ئۇچۇرى:
تۆۋەندىكى شەرتلەرگە ئۇيغۇن كېلىدىغان قېرىنداشلىرىمىزغا خاتىرە بۇيۇمى تەقدىم قىلىنىدۇ.
2017/3~2016/4  ئارلىقىدا دوكتورلۇق ئۈنۋانى ئالغانلار
2017/3~2016/4  ئارلىقىدا ماگىستىرلىق ئۈنۋانى ئالغانلار
2017/3  دا ئالى مەكتەپنى پۈتتۈرگەنلەر
2017/4  دا باشلانغۇچ مەكتەپكە ئوقۇشقا كىرىدىغانلار
7) ئەگەر مەرىكىنىڭ DVD پلاستىنكىسىنى سېتىۋالاماقچى بولسىڭىز، سانى ۋە تەپسىلى پوچتا ئادرىسىڭىز
DVD  پىلاستىنكىسى رەتلەپ ئىشلىنىپ 5-ئاينىڭ بېشىغىچە پوچتا ئارقىلىق سىز ئەۋەتكەن ئادرىسقا ئەۋەتىلىدۇ
DVD  پىلاستىنكىسىنىڭ باھاسى: 1000يېن


 تىزىملىتىش مۇددىتى: 2017-يىلى 3-ئاينىڭ 10-كۈنى  گىچە

* مۇددەت توشقان ھامان تىزىملاش توختىتىلىدۇ.

مەرىكىگە قاتنىشىش ھەققى
 (تىزىملاتماي كەلگەنلەردىن كىشى بېشىغا 1،000 يېن قوشۇپ ئېلىنىدۇ)

پوستدوكتور، كارخانىچىلار، خىزمەتچىلەر(個人事業主、会社員、Postdoctor) 6,000円
خىزمەتچىلەرنىڭ ھەمراھلىرى(扶養配偶者) 4,000円
كەسپىي تەخنىكومدىن يۇقۇرى ئوقۇغۇچىلار (大学院生、研究生、大学生、専門学校生) 4,000円
ياپون تىلى مەكتەپ ئوقۇغۇچىلىرى (日本語学校生) 3,000円
ئوقۇغۇچىلارنىڭ ھەمراھلىرى (学生扶養配偶者) 3,000円
چەتئەلدىن كەلگەن مىھمانلار (海外ご来賓) 2,000円
تولۇقسىز-تولۇق ئوتتۇرا مەكتەپ ئوقۇغۇچىلىرى (中、高校生) 1,000円
باشلانغۇچ مەكتەپتىن توۋەن پەرزەنتلەر (小学生、幼児) 0円

 ئەسكەرتىش :
1. تىزىملىتىپ كېلىشكە چوقۇم رىئايە قىلىڭ !
– تىزىملاتماي كەلگەنلەردىن 1000يېن قوشۇپ ھەق ئېلىنىدۇ. ئەھۋالغا قاراپ مەرىكىگە قاتنىشىشى رەت قىلىنىش ئېھتىماللىقىمۇ بار.
– تىزىملاتقاندا بەلگىلەنگەن ئۇچۇرلارنى چۈشۈرۈپ قويماي تولۇق يوللاڭ.
– تىزىملىتىپ بولغاندىن كېيىن ھەر تۈرلۈك سەۋەبلەر بىلەن قاتنىشالمايدىغان بولۇپ قالسىڭىز، يۇقۇردىكى ئېلخەت ئادرىسىغا
چوقۇم ئۇچۇر يوللاڭ (چۈنكى، ئادەم سانىغا قاراپ يىمەك-ئىچمەك تەييارلىنىدۇ…)
2. تىزىملاش مۇددىتى (3-ئاينىڭ10-كۈنى) گە چوقۇم رىئايە قىلىڭ! مۇددەت توشقان ھامان تىزىملاش توختىتىلىدۇ.
3. پائالىيئەت كۈنى ۋاقىتقا چوقۇم رىئايە قىلىڭ!

 

ئەزىز قېرىنداشلىرىمىزنىڭ نورۇز تەنتەنىسىگە قەدەم تەشرىپ قىلىشىنى تەقەززالىق بىلەن كۈتىمىز!!!

 

ئېھتىرام بىلەن:

2017- يىللىق نورۇز تەنتەنىسى تەشكىللەش ھەيئەتلىكى
يىگىت بېشى : شەمشىدىن شەيخىدىن

2017- يىل 2- ئاينىڭ 18- كۈنى (توكيو)

سەھىپە: ئۇنىۋېرسال | توغرۇلۇق 2017-يىللىق نورۇز تەنتەنىسگە تەكلىپ باھالار ئېتىۋېتىلگەن.

2017-يىللىق نورۇز ئاكادېمىيىسى ئۇختۇرۇشى

سەھىپە: پائالىيەتلەر | ئىنكاس يېزىش

2016-يىللىق نورۇز پائالىيتىدىن قىسقىچە خۇلاسە

ئەسسالامۇ ئەلەيكوم ھۆرمەتلىك قېرىنداشلار!
‹ياپونىيە نورۇز فوندى› تەرىپىدىن ئورۇنلاشتۇرۇلغان، ھەر يىلى قاينام-تاشقىنلىق ئىچىدە ئۆتكۈزۈلۈپ كەلگەن ‹ياپوندا نورۇز تەنتەنىسى› پائالىيىتىمىز، 2016-يىلى 3-ئاينىڭ 20-كۈنى توكيو شەھىرىدە ئۆتكۈزۈلۈپ، ياپونىيەدە ئوقۇش ۋە خىزمەت بىلەن شۇغۇنلىنىۋاتقان ئوقۇغۇچى ھەم خىزمەتچىلەر، شۇنداقلا ئۇلارنىڭ ئائىلە تاۋاباتلىرى ۋە ئانا يۇرتىمىزدىن كەلگەن ئۇرۇق – تۇغقانلىرى قاتارلىق 250دىن ئارتۇق مېھمانلار قاتنىشىپ، تەنتەنىلىك ۋە غەلبىلىك ھالدا ئاخىرلاشتى.
ھەر يىلىدىكى پائالىيىتىمىزگە ئوخشاشلا، بۇ قېتىملىق پائالىيەتتە، سەرخىل سەنئەت نومۇرلىرى ۋە نورۇز مەدىھەلەنگەن پروگراممىلار، شۇنداقلا ياپونىيەدىكى ئۇنۋىرسىتلاردا ئوقۇپ باكلاۋۇر،ماگىستىر ۋە دوكتورلۇق ئوقۇشنى پۈتتۈرگەن ئوقۇغۇچىلارنى تەبرىكلەش قاتارلىق مەزمۇنلارمۇ كەم بولماستىن، يىللاردىكىدىنمۇ يۇقىرى كەيپىيات ۋە قىزغىنلىق ئىچىدە، قەدەم-تەشرىپ قىلغان مېھمانلارنىڭ قىزغىن ئالقىشىغا ئېرىشتى. ئۇنىڭدىن باشقا بۇ قېتىملىق پائالىيىتىمىزگە يېقىندىن ئىقتىسادىي ۋە ماددىي جەھەتتە ياردەمدە بولغان ياپونىيە ۋە ئانا يۇرتىمىزدىكى مىللىي ئىگىلىكتىكى شىركەتلەرنىڭ ئورتاق كۈچ چىقىرىشى، ‹نورۇز تەشكىللەش ھەيئەتلىكى› دىكى يىگىت بېشى ۋە باشقا ھەيئەتلەرنىڭ ئەتراپلىق تەشكىللىشى ئارقىسىدا، مول داستىخانلىق ۋە تەرتىپلىك ھالدا ئۆتكۈزۈلدى. پائالىيىتىمىزگە قاتناشقان بارلىق مېھمانلار ۋە نورۇز يىگىت بېشى باشلىق بارلىق تەشكىللىگۈچى ھەيئەتلەر، سەنئەت نومۇرى تەييارلاپ پائالىيىتىمىزنى جانلاندۇرغان دوستلار، شۇنداقلا يېقىندىن ياردەمدە بولغان شىركەتلەرگە چىن قەلبىمىزدىن تەشەككۈر ئېيتىمىز ۋە بۇنىڭدىن كېيىنكى ‹ياپوندا نورۇز تەنتەنىسى› پائالىيىتىمىزنىڭ تېخىمۇ گۈللىنىشىنى چىن دىلىمىزدىن ئۈمىد قىلىمىز!
‹ياپوندا نورۇز تەنتەنىسى› پائالىيىتىمىز بولسا، تۇنجى قېتىم تەشكىللىنىپ باشلانغاندىن تا ھازىرغىچە، ياپونىيەدىكى ئۇيغۇر ئوقۇغۇچىلار ۋە ياپونىيەدە خىزمەت ۋە تەتقىقات بىلەن شۇغۇنلىنىۋاتقان ئانا يۇرتىمىزدىن كەلگەن ئۇيغۇر، قازاق،تاتار قاتارلىق تۈركىي مىللەتلەر يىلدا بىر يىغىلىپ، ئۆز مەدەنىيىتىمىز ۋە ئۆرپ-ئادەتلىرىمىزنى ئۇنتۇماسلىق، شۇنداقلا ئۇنىڭغا ياپونىيەدە چوڭ بولغان پەرزەنتلىرىمىزگە ۋارسلىق قىلدۇرۇشنى مەقسەت قىلغان ھالدا ئىزچىل داۋاملىشىپ كەلدى. بۇ جەرياندا پائالىيىتىمىز كۆڭۈل ئېچىش ۋە مەدەنىيىتىمىزنى تەشۋىق قىلىشتىن باشقا مەزمۇنلار بولماسلىقتەك ئالاھىدىلىكى بىلەن، ياپونىيەگە ئىلىم تەھسىل قىلىش ئۈچۈن كەلگەن ئوقۇغۇچىلار ۋە ياپونىيەدىكى ھەر تۈرلۈك شىركەتلەردە خىزمەت قىلىپ، مىللىتىمىزگە ھەسسە قوشۇپ كەلگەن دوستلىرىمىزنىڭ ئازادە خاتىرجەم ھالدا قاتنىشىشى ئۈچۈن ياخشى مەيدان ھازىرلاپ كەلدى. ‹ياپونىيە نورۇز فوندى› بۇ قېتىملىق پائالىيەتنىمۇ ئۆز ئىچىگە ئالغان ئاساستا، بۇنىڭدىن كېيىنكى پائالىيەتلىرىمىزمۇ مۇشۇ ئەنئەنىگە رىئايە قىلغان ھالدا تېخىمۇ كۆڭۈللۈك داۋاملىشىشىغا تىرىشىمىز.
ئەگەردۆلەت ئىچى ۋە سىرتىدىكى ئاممىۋى توربەت ئىجتىمائىي ئۇچۇر ۋاستىلىرى، شۇنداقلا مەتبۇئاتلاردا ‹ياپوندا نورۇز تەنتەنىسى›گە مۇناسىۋەتلىك خەۋەر بەرمەكچى بولسا خەۋەر مەزمۇنىنىڭ تۇلۇق ھەم توغرا بۇلىشى ئۇچۇن ياپونىيە نورۇز فوندى تەمىللىگەن مەزمۇننى ئاساس قىلىىشىنى تەۋسىيە قىلمىز.

  ياپونىيە نورۇز فوندى
2016.4.11

سەھىپە: ئۇنىۋېرسال | ئىنكاس يېزىش

2016-يىللىق نورۇز تەنتەنىسىگە تەكلىپ

ئەسسالامۇ ئەلەيكۇم ھۆرمەتلىك قېرىنداشلار

ﻗﯘﻳﺎﺵ ﭘﺎﺭﻻﭖ ﻳﻪﺭ ﺋﻮﻳﻐﺎﻧﺪﻯ، ﻧﻮﺭﯗﺯ ﻗﯘﭼﺎﻕ ﺋﯧﭽﯩﭗ ﻛﻪﻟﺪﻯ.
ﮔﯜﻝ – ﮔﯩﻴﺎﮬﻼﺭ ﺋﯘﺳﺴﯘﻝ ﺋﻮﻳﻨﺎﭖ، ﺋﻪﺗﯩﺮ- ﺋﻪﻧﺒﻪﺭ ﭼﯧﭽﯩﭗ ﻛﻪﻟﺪﻯ.

< نورۇز > بايرىمى تۈركىي خەلىقلەرنىڭ ئەنئەنىۋى بايرىمى بولۇپ، ئۇزۇن تارىختىن بۇيان بىزنىڭ ئەجدادلىرىمىز تەنتەنە قىلىپ ئەۋلاتلىرىغا قالدۇرۇپ كەتكەن بىباھا مىراسلىرىنىڭ بىرىدۇر. ئەجداد ئىزىنى بېسىش ھەربىر ئۇيغۇر پەرزەنتىنىڭ بۇرچى ھەم مەجبۇرىيىتىدۇر.
ياپونىيە زىمىنىدا جاپالىق ئىشلەۋاتقان قېرىنداشلار ، تىرىشىپ ئۈگۈنىۋاتقان ئوقۇغۇچىلار، ئوماق بالىلىرىمىزنى تەربىيەلەۋاتقان مېھرىبان ئاتا-ئانىلارنىڭ ئۈزلىكسىز خالىسانە ئەجىر سىڭدۈرۈش نەتىجىسىدە <ياپونىيەدە نورۇز تەنتەنىسى> ئۈزۈلۇپ قالماي بۈگۈنگىچە داۋاملىشىپ كېلىۋاتىدۇ. نورۇز تەنتەنىسى سۆيۈملۈك قېرىنداشلىرىمىزنىڭ ئۆز-ئارا دىدارلىشىش ۋە بىر بىرىمىزگە مەدەت بېرىش، جىسمانى ھەم روھى بېسىمىمىزنى ئۇنتۇلدۇرىدىغان، ئۆز مەدەنىيىتىمىزنى ياپونىيەدە تۇغۇلۇپ ئوقۇۋاتقان ئوماق پەرزەنتلىرىمىزگە ئۈگىتىشتىن ئىبارەت ئەھمىيەتلىك يىغىلىش سورۇنىمىزغا ئايلاندى. بۇنىڭدىن كېيىنمۇ مەڭگۇ داۋاملاشقۇسى!

ئەزىز سۆيۈملۈك قېرىنداشلار، ئاللاھ نىسىپ قىلسا، 10-قېتىملىق< ياپونىيەدە نورۇز تەنتەنىسى > 2016-يىلى 3-ئاينىڭ 20-كۇنى (يەكشەنبە) ئۆتكۈزۈلمەكچى. ياپونىيەنىڭ ھەر قايسى جايلىرىدا ياشاۋاتقان ئۇيغۇر قېرىنداشلىرىمىزنىڭ ھەم تۈرۈك قېرىنداشلىرىمىزنىڭ قىممەتلىك ۋاقتىنى چىقىرىپ قاتنىشىشىنى، شۇنداقلا سورۇنىمىزنىڭ قىممەتلىك ئەزىز مېھمىنى ھەم ساھىپخانى بولۇشىڭىزلارنى چىن كۆڭلىمىزدىن ئۈمىد قىلىمىز
< ياپونىيەدە نورۇز تەنتەنىسى > يىلدىن–يىلغا تەرەققىي قىلىپ كېلىۋاتقان، ھەممىمىز سۆيۈۋاتقان، ۋە بالىلىرىمىز ياخشى كۆرۈپ قاتنىشىۋاتقان ئەھمىيەتلىك بايرىمىمىزدۇر.
نورۇز بايرىمىنى ئۇيۇشتۇرغان ھەيئەتلەرنىڭ قىممەتلىك تەكلىپ-پىكىرلىرىنى يەكۈنلەپ، يىللاردىكىدەك ئۇنتۇلماس كۆڭۈللۈك شاد-خورامللىققا تولغان 2016-يىللىق < نورۇز تەنتەنىسى> نى ئۆتكۈزۈش ئۈچۈن، تۆۋەندىكى قارارلارنى بېكىتتۇق. ئەزىز قېرىنداشلىرىمىزنىڭ چىن كۆڭلىدىن قوللاپ قۇۋۋەتلىشىنى ۋە ھەمكارلىشىشىنى ئۈمىد قىلىمىز.

.1نورۇز تەنتەنىسى ئورنى ( مەرىكە زالى )
SYDビル・ホール
住所:〒151-0051東京都渋谷区千駄ヶ谷4-25-2

TEL 03-3405-5555
ئۆتكۈزۈلۈش ۋاقتى: -3ئاينىڭ 20-كۇنى(يەكشەنبە)
نورۇز تەنتەنىسىنىڭ مەرىكە ۋاقتى: 13:00~ 17:00
مەرىكە تىزىملىتىش ۋاقتى : 12:00~ 12:40
مەرىكە باشلىنىش ۋاقتى : 13:00
ۋاقىتقا ئېتىبار بېرىشىڭلارنى ئۈمىد قىلىمىز!

noruz_address

بۇ زالنىڭ ماشىنا توختىش مەيدانى يوق بولۇپ تۆۋەندىكى ياپونچە ئەسكەرتىشكە دىققەت قىلىڭ.
当ホールには駐車場はございません。公共交通機関をご利用の上お越しください。車でお越しになる場合は首都高速高架下の時間貸し有料駐車場千駄ヶパーキング(千駄ヶ谷駐車場)をご利用ください

2.تىزىمغا ئالدۇرۇش
بۇ يەرنى بىسىپ تۆۋەندىكى مەزمۇنلاردا ئۇچۇر يوللىغايسىز
1) ئىسىم-فامىلە
2) مەكتەپ ئىسمى/ خىزمەت ئورنى
3) تۇرۇشلۇق ئۆلكە-شەھەر
4) ئېلخەت ئادرىسى
5) تەبرىكلەنگۈچى ئۇچۇرى:( دوكتورلۇق، ماگىستىرلىق ۋە باشقىلار )
6) بىللە قاتنىشىدىغان ئائىلە ئەزالىرىنىڭ سانى، ئىسىم-فامىلىسى ۋە پەرزەنتلىرىنىڭ يېشى
( ئەگەر ۋەتەندىن كەلگەن تۇققانلىرىڭىزنى بىرگە ئېلىپ كەلمەكچى بولسىڭىز، ئۇلارنىڭمۇ ئىسمىنى قوشۇپ يېزىڭ )

تىزىمغا ئالدۇرۇش مۇددىتى: 2016-يىلى 3-ئاينىڭ 16-كۈنىگىچە
3. نورۇز تەنتەنىسىگە قاتنىشىش ھەققى
1) خىزمەتچىلەر: 5،000 يىن
2) خىزمەتچىلەرنىڭ ئائىلە تاۋاباتلىرى (يولدىشى): 4،000 يىن
3) ئوقۇغۇچىلار: 3،000 يىن

( 大学院生، 大学生، 研究生، 日本語学校生، 専門学校生等 )

بۇ ئۇختۇرۇشنىڭ ياپونچىسىنى تۆۋەندىكى ئۇلۇنىشتىكى PDF ھۆجىتتىدىن كۆرۈڭ.
ノルズのご案内を日本語で見るには以下のリンクをクリックしてください

2016年度Noruz Tentenisi(ノルズ会)の案内状

سەھىپە: ئۇنىۋېرسال | ئىنكاس يېزىش