2017-يىللىق ياپونىيە نورۇز تەنتەنىسى 3-ئاينىڭ 20-كۈنى (دۈشەنبە) ياپونىيەنىڭ توكيو شەھىرىدە داغدۇغىلىق ئۆتكۈزۈلۈپ، غەلىبىلىك ئاياغلاشتى.

بۇ مەرىكىگە، ياپونىيەنىڭ توكيونى ئۆز ئىچىگە ئالغان كانتو رايونى ۋە باشقا شەھەر-ئۆلكىلىرىدە ياشاۋاتقان ئۇيغۇرلار، ۋە ئۇلارنىڭ ئائىلە تاۋابىئاتلىرى، شۇنداقلا ئانا يۇرتىمىزدىن تۇغقان يوقلاش، ساياھەت قاتارلىق سەۋەبلەر بىلەن ياپونىيەگە كەلگەن مېھمانلار بولۇپ جەمئىي 300 گە يېقىن كىشى ئىشتىراك قىلدى.

2012-يىلى 3-ئاينىڭ21-كۈنى ياپونىيەنىڭ توكيو شەھىرىدە نورۇز تەشكىللەش ھەيئەتلىكىنىڭ ئورۇنلاشتۇرۇشى بىلەن ئۆزىمىزنىڭ ئۇيغۇر ئەنئەنىسى بويىچە نورۇز تەنتەنىسى ئۆتكۈزۈلگەن ئىدى. مانا بۇ يىل ياپونىيە نورۇز تەنتەنىسى ئۆزىنىڭ 6-يىللىق شانلىق سەھىپىسىنى كۈتۈۋالدى. نورۇز تەنتەنىسىنىڭ مەزمۇنى يىلدىن-يىلغا مۇكەممەللىشىپ، ياشلىرىمىز ۋە پەرزەنتلىرىمىزگە بولغان تەربىيىۋى ئەھمىيىتى بارغانسېرى كۈچىيىشكە، قاتنىشىش ئادەم سانىمۇ يىلدىن-يىلغا كۆپىيىشكە باشلىدى.

ياپونىيە نورۇز تەنتەنىسى نىڭ ئاساسلىق مەقسەت مۇددىئاسى،
(1) ئەجدادلىرىمىزنىڭ بىزگە قالدۇرۇپ كەتكەن ئەنئەنىۋى مىراس (نورۇز) لىرىغا ۋارىسلىق قىلىش؛
(2) ئانا تىلىمىز، ئانا مەدەنىيىتىمىز ۋە گۈزەل ئۆرۈپ ئادەتلىرىمىزنى ساقلاش ۋە ئۇنى بېيىتىش؛
(3) ئالىي مەكتەپ تولۇق كۇرسى، ماگىستىر ۋە دوكتورلۇقنى تاماملىغان قېرىنداشلىرىمىزنى تەبرىكلەش؛ يېڭىدىن باشلانغۇچ مەكتەپكە كىرگەن ئوماق پەرزەنتلىرىمىزنى تەبرىكلەش ۋە ئىلھام بېرىش؛
(4) ياپونىيەدەك رىقابەت ئىنتايىن كەسكىن بولغان پەن-تېخنىكا دۆلىتىدە، يىل بويى ئۆگىنىش، تەتقىقات ۋە خىزمەتتىن باش كۆتۈرەلمەي كۆپ چارچىغان قېرىنداشلىرىمىزغا ھارغىنلىقنى ئۇنتۇپ ئۆز-ئارا دىدارلىشىش ۋە مۇڭدىشىش  پۇرسىتى يارىتىپ بېرىش؛
(5) بايرام خۇشاللىقىدىن ئورتاق بەھرىمەن بولۇشلاردىن ئىبارەتتۇر.

ياپونىيە نورۇز تەنتەنىسى، ياپونىيە ئۇيغۇر نورۇز ئۇيۇشمىسىنىڭ (قىسقارتىلمىسى:JUN) نىڭ يېتەكچىلىكىدە، ھەر يىلى ياپونىيە نورۇز ئاكادېمىيە يىغىنى (2017-يىللىق ياپونىيە نورۇز ئاكادېمىيە يىغىنى 3-ئاينىڭ 11-كۈنى توكيودا ئۆتكۈزۈلدى. بۇ يىغىننىڭ تەپسىلاتىنى بۇ يەردىن كۆرۈڭ) غا ئۇلىشىپلا ئۆتكۈزۈلۈپ كېلىنمەكتە.

ئىنتايىن قاينام-تاشقىن، قىزغىن كەيپىياتتا ئۆتكۈزۈلگەن بۇ يىللىق ياپونىيە نورۇز تەنتەنىسى، ياپونىيەدە ئۆگىنىش، تەتقىقات، خىزمەت ۋە پەرزەنت تەربىيىلەش بىلەن چارچىغان، ئانا يۇرتىنى چىن يۈرىكىدىن سېغىنغان قېرىنداشلىرىمىزنىڭ چىرايلىرىغا تەبەسسۇم، كۆڭۈللىرىگە شاتلىق ئېلىپ كەلدى.

بۇ يىللىق نورۇز تەنتەنىسىدىمۇ يىللاردىكىگە ئوخشاش كوللېكتىپ خور، مىللىيچە ۋە زامانىۋى ناخشا-ئۇسۇل، شۇنداقلا ئوماق پەرزەنتلىرىمىزنىڭ ئورۇنلىشىدىكى سەرخىل سەنئەت نومۇرلىرى سەھنىگە ئېلىپ چىقىلىپ، قېرىنداشلىرىمىزغا ۋەتەن سۆيگۈسىنى ئەسلىتىشتىن باشقا، روھى جەھەتتىن مەدەت ۋە جاسارەت  بېغىشلىدى، پەرزەنتلىرىمىزگە بولسا مىللىي كىملىكىمىزنى تونۇش پۇرسىتى ئاتا قىلدى.

مەرىكىدە يەنە، دوكتورلۇق، ماگىستىرلىق ۋە ئالىي مەكتەپ تولۇق كۇرسنى پۈتتۈرگەن 10 نەپەر قېرىندىشىمىزغا، ۋە يېڭىدىن باشلانغۇچ مەكتەپ قوينىغا قەدەم قويغان 15 نەپەر پەرزەنتىمىزگە ياپونىيە ئۇيغۇر نورۇز ئۇيۇشمىسىنىڭ نامىدىن تەييارلانغان خاتىرە بۇيۇمى ھەدىيە قىلىندى.

ياپونىيەدە ئىگىلىك تىكلەپ تىز سۈر`ئەتتە گۈللىنىۋاتقان، شۇنداقلا ۋەتەن بىلەن بولغان خەلقئارالىق سودا ۋە باشقا ساھەلەردە مۇۋەپپەقىيەت قازىنىۋاتقان، بوستانلىق تارىم شىركىتى، فۇجىكى شىركىتى، كاورى شىركىتى (Kaori Japan)، يالقۇنتاغ رېستورانى، ياپونىيە يىپەك يولى شىركىتى (Japan Silkroad)، كروران خەلقئارا شىركىتى، كۆك ئەتىرگۈل شىركىتى، ساراي شىركىتى، تەكلىماكان خەلقئارا ھەسسىدارلىق شىركىتى، ئۇيۇل شىركىتى قاتارلىق شىركەتلەر ئىقتىسادىي جەھەتتىن ياردەم قولىنى سۇنۇپ ئۆزلىرىنىڭ مەرىپەتپەرۋەر، خەلقپەرۋەر ئالىيجاناب روھىنى نامايان قىلدى. بىز ئۇلارغا چوڭقۇر تەشەككۈر ئېيتىمىز.
(يۇقىرىقى شىركەت ئىسىملىرى ھەرىپ تەرتىپى بويىچە تىزىلدى)

بىز، بۇ يىللىق نورۇز تەنتەنىسىنى پىلانلاش ۋە ئۇنىڭ غەلىبىلىك ئېچىلىشىغا ئالاھىدە ئەجىر سىڭدۈرگەن، يىگىت بېشى شەمشىدىن شەيخىدىنگە ۋە نورۇز تەشكىللەش ھەيئەتلىكىدىكى بارلىق قېرىنداشلىرىمىزغا چىن قەلبىمىزدىن رەھمەت ئېيتىمىز.

2017-يىللىق نورۇز تەنتەنىسى يىگىت بېشى: شەمشىدىن شەيخىدىن

2017-يىللىق ياپونىيە نورۇز تەنتەنىسىنىڭ رىياسەتچىسى: ئەلقەم ئەكرەم ۋە خالمۇرات سەمەت

ئاخىرىدا ياپونىيەدىكى ئالدىراشچىلىققا تولغان ئوقۇش، خىزمەت ۋە تۇرمۇش رىتىمى ئىچىدىن ئالتۇندەك ۋاقتىنى چىقىرىپ نورۇز تەنتەنىمىزگە قەدەم تەشرىپ قىلغان قەدىردان مېھمانلارغا، شۇنداقلا يىللاردىن بۇيان نورۇز پائالىيەتلىرىمىزنى ئىزچىل قوللاپ، خالىس خىزمەت قىلىپ كېلىۋاتقان بارلىق ئوت يۈرەك پىدائىي يىگىت-قىزلىرىمىزغا ئالاھىدە ھۆرمىتىمىزنى ۋە رەھمىتىمىزنى ئېيتىمىز.

يېڭى باھارنىڭ بىزگە تېخىمۇ كوپ بەرىكەت ۋە ياخشىلىقلارنى ئېلىپ كېلىشىنى ئۇلۇغ ئاللا دىن تىلەيمىز!

كەلدى نورۇز، كۈلدى غۇنچە، كۆڭۈل يايرىدى،
گۈل ئىشقىدا خەندان ئۇرۇپ بۇلبۇل سايرىدى!

ئەسكەرتىش:
ئەگەر 2017-يىللىق ياپونىيە نورۇز تەنتەنىسى خەۋىرىنى تارقاتماقچى بولسىڭىز، خەۋەر مەنبەسىگە ھۆرمەت قىلىپ ئوز ئەينى بويىچە تارقىتىڭ، ياكى بولمىسا خەۋەر تارقىتىشتىن بۇرۇن بىز (ياپونىيە ئۇيغۇر نورۇز ئۇيۇشمىسى:JUN) بىلەن ئالاقىلىشىڭ.

ئالىي ئېھتىرام بىلەن،

ياپونىيە ئۇيغۇر نورۇز ئۇيۇشمىسى
2017-يىللىق نورۇز مەرىكىسى تەشكىللەش ھەيئەتلىكى
2017/3/20 (توكيو)

2017-يىللىق ياپونىيە نورۇز تەنتەنىسى كۆرۈنۈشلىرى

Noruz2017_001

Noruz2017_002

Noruz2017_003

Noruz_007

Noruz2017_016

Noruz2017_015

Noruz2017_043

Noruz2017_026

Noruz2017_027

Noruz2017_042

Noruz2017_036

Noruz2017_035

Noruz2017_034_1

Noruz2017_034

Noruz2017_033

Noruz2017_032

Noruz2017_041

Noruz2017_031

Noruz2017_030s

Noruz2017_030

Noruz2017_029

Noruz2017_028

Noruz2017_025

Noruz2017_024

Noruz2017_037

Noruz2017_023

Noruz2017_022

Noruz2017_021s

Noruz2017_021

Noruz2017_020_3

Noruz2017_020_2

Noruz_002

Noruz_004

Noruz_001

Noruz2017_020

Noruz2017_039

Noruz2017_019

Noruz2017_018

Noruz2017_017

Noruz2017_014

Noruz2017_013

Noruz2017_012

Noruz2017_011

Noruz2017_010

Noruz2017_009

Noruz2017_008

Noruz2017_007

Noruz2017_006

NoruzJP_001

Noruz2017_004

Noruz2017_044

Noruz2017_045

Noruz_006

2017-يىللىق “نورۇز تەنتەنىسى” گە تەكلىپ(日本語でのご案内はこちら)

(2017-yilliq noruz merikisige teklip(yigi yiziq nusxisi

كەلدى نورۇز، كۈلدى غۇنچە، كۆڭۈل يايرىدى،
گۈل ئىشقىدا خەندان ئۇرۇپ بۇلبۇل سايرىدى!

ئەسسالامۇ’ئەلەيكۇم ياپونىيە دىيارىدا ئورتاق نەپەس ئېلىۋاتقان يىلتىزداش قېرىنداشلار:

زىمىنغا ھايات پەيزىنى بەخىش ئەتكۈچى يېڭى باھارنىڭ يېقىنلىشىشىغا ئەگىشىپ، ھەممىمىز تەقاززالىق بىلەن كۈتۈۋاتقان توكيودىكى
2017-يىللىق نورۇز تەنتەنىسىىنىڭ مىنۇتلىرىمۇ يېتىپ كېلىش ئالدىدا تۇرماقتا.
نورۇز بايرىمى تۈرك مىللەتلىرىنىڭ ئەنئەنىۋى مىللىي بايرىمى بولۇپ، ئۇزۇن تارىختىن بۇيان، بىزنىڭ ئەجدادلىرىمىز تەنتەنە قىلىپ ئەۋلادلارغا قالدۇرۇپ كەتكەن بىباھا مەنىۋى مىراسلارنىڭ بىرسىدۇر.

ياپونىيەدىكى نورۇز تەنتەنىسىمۇ ئۆزىگە خاس بەدىئىيلىكى ۋە مەزمۇن جەھەتتىكى موللۇقى بىلەن،
• ياپونىيە تۇپرىقىدا ئوقۇش، خىزمەت ۋە ئا’ئىلە مۇلازىمىتى بىلەن چارچاۋاتقان يىگىت-قىزلىرىمىزنىڭ جىسمانى ۋە
روھى جەھەتتىكى بېسىمىنى يېنىكلىتىدىغان ئارامگاھىغا ؛
• ياپونىيەدە تۇغۇلۇپ چوڭ بولۇۋاتقان پەرزەنتلىرىمىزگە مىللى ئۆرۈپ-ئادەت، مەدىنىيىتىمىزنى ئۈگىتىدىغان دەرسخانىغا؛
• پىشقەدەملەر بىلەن يېڭى كەلگەن ئوقۇغۇچىلارنى ئوز-ئارا ئۇچراشتۇرۇپ، ئىللىقلىق يەتكۈزىدىغان مەشرەپ سورۇنىغا؛
• ئوقۇش پۈتتۈرگەن قېرىنداشلىرىمىز ۋە يېڭىدىن ئوقۇشقا كىرمەكچى بولۇۋاتقان پەرزەنتلىرىمىزنى تەبرىكلەپ، ئىلھام
بەخىش ئېتىدىغان سەھنىگە؛
• شۇنداقلا ۋەتەندىن كەلگەن ئاتا-ئانا، قېرىنداش، مىھمانلىرىمىزغا ھورمىتىمىز ۋە سەمىمىي سالىمىمىزنى يوللايدىغان
دەستىرخانىمىزغا ئايلاندى.

مانا بۇ يىلمۇ ياپونىيە ئۇيغۇر نورۇز ئۇيۇشمىسىنىڭ يىتەكچىلىكى، نورۇز تەنتەنىسىى تەشكىللەش ھەيئەتلىگىدىكى ئوت يۈرەك پىدائىيلىرىمىزنىڭ پىلانلىشى، شۇنداقلا ئالتۇندەك ۋاقتىنى مۇشۇ مىللىي بايرىمىمىزنىڭ غەلىبىلىك ئۆتكۈزۈلۈشىگە خالىس تەقدىم قىلغان ئەل سۆيەر يىگىت-قىزلىرىمىزنىڭ تىرىشچانلىقى نەتىجىسىدە 2018-يىللىق نورۇز تەنتەنىسىنى تۆۋەندىكى كۈنتەرتىپ ۋە مەزمۇن بويىچە ئۆتكۈزمەكچى بولۇۋاتىمىز.

ئەزىز قېرىنداشلىرىمىزنىڭ قىممەتلىك ۋاقتىنى چىقىرىپ مەرىكىمىزنىڭ مېھمىنى ۋە ساھىبخىنى
بولۇپ بېرىشىنى چىن دىلىمىزدىن ئۈمىد قىلىمىز!

پائالىيەت ۋاقتى: 2017-يىل 3-ئاينىڭ 20-كۈنى (دۇشەنبە) سائەت 17:00 ~ 12:00
* مىھمان قوبۇل قىلىش(受付) ۋاقتى: 12:00-12:30

ۋاقىتقا قەتئى رىئايە قىلىڭ!!!

پائالىيەت ئورنى: シーバンスホール浜松町

東京都港区芝浦一丁目2番2号　シーバンス ア・モール3F
http://www.seavanshall.jp/index.html

تىزىمغا ئالدۇرۇش ئۇسۇلى：
1. تور بەت ئارقىلىق تىزىمغا ئالدۇرۇش
تۆۋەندىكى تور بەت ئارقىلىق مۇناسىۋەتلىك ئۇچۇرلارنى تىزىملاش ھەيئەتلىرىگە يوللىشىڭىزنى ئۈمىد قىلىمىز.
http://www.noruz-jp.com/2017-yilliq_noruz_paaliytige_tizimlitish

2. ئېلخەت (E-mail) ئارقىلىق تىزىملىتىش
ئەگەر يۇقىرىدىكى تور بەت ئارقىلىق تىزىملىتىش قۇلايسىز بولسا، ئېلخەت ئادرىسىمىزغا تۆۋەندىكى
بەلگىلەنگەن ئۇچۇرلارنى يوللىشىڭىزنى ئۈمىد قىلىمىز.
ئېلخەت ئادرىسىمىز jun@noruz-jp.com
1) تىزىملاتقۇچى ۋە بىللە قاتناشقۇچىلارنىڭ ئىسىم-فامىلىسى(Alphabet)، تىزىملاتقۇچى بىلەن بولغان مۇناسىۋىتى ،ۋە پەرزەنتلەرنىڭ يېشى.
2) سالاھىيىتى (خىزمەتچى، ئوقۇغۇچى، چەتئەلدىن كەلگەن مىھمان قاتارلىق…)
3) شىركەت ياكى مەكتەپ ئىسمى
4) ئولتۇرۇشلۇق ئۆلكە ۋە شەھەر ئىسمى
5) ئېلخەت (E-mail) ئادرىسى
6) تەبرىكلەنگۈچى ئۇچۇرى:
تۆۋەندىكى شەرتلەرگە ئۇيغۇن كېلىدىغان قېرىنداشلىرىمىزغا خاتىرە بۇيۇمى تەقدىم قىلىنىدۇ.
2017/3～2016/4  ئارلىقىدا دوكتورلۇق ئۈنۋانى ئالغانلار
2017/3～2016/4  ئارلىقىدا ماگىستىرلىق ئۈنۋانى ئالغانلار
2017/3  دا ئالى مەكتەپنى پۈتتۈرگەنلەر
2017/4  دا باشلانغۇچ مەكتەپكە ئوقۇشقا كىرىدىغانلار
7) ئەگەر مەرىكىنىڭ DVD پلاستىنكىسىنى سېتىۋالاماقچى بولسىڭىز، سانى ۋە تەپسىلى پوچتا ئادرىسىڭىز
DVD  پىلاستىنكىسى رەتلەپ ئىشلىنىپ 5-ئاينىڭ بېشىغىچە پوچتا ئارقىلىق سىز ئەۋەتكەن ئادرىسقا ئەۋەتىلىدۇ
DVD  پىلاستىنكىسىنىڭ باھاسى: 1000يېن

 تىزىملىتىش مۇددىتى：　2017-يىلى 3-ئاينىڭ 10-كۈنى  گىچە

* مۇددەت توشقان ھامان تىزىملاش توختىتىلىدۇ.

مەرىكىگە قاتنىشىش ھەققى
　(تىزىملاتماي كەلگەنلەردىن كىشى بېشىغا 1،000 يېن قوشۇپ ئېلىنىدۇ)

 ئەسكەرتىش :
１. تىزىملىتىپ كېلىشكە چوقۇم رىئايە قىلىڭ !
– تىزىملاتماي كەلگەنلەردىن 1000يېن قوشۇپ ھەق ئېلىنىدۇ. ئەھۋالغا قاراپ مەرىكىگە قاتنىشىشى رەت قىلىنىش ئېھتىماللىقىمۇ بار.
– تىزىملاتقاندا بەلگىلەنگەن ئۇچۇرلارنى چۈشۈرۈپ قويماي تولۇق يوللاڭ.
– تىزىملىتىپ بولغاندىن كېيىن ھەر تۈرلۈك سەۋەبلەر بىلەن قاتنىشالمايدىغان بولۇپ قالسىڭىز، يۇقۇردىكى ئېلخەت ئادرىسىغا
چوقۇم ئۇچۇر يوللاڭ (چۈنكى، ئادەم سانىغا قاراپ يىمەك-ئىچمەك تەييارلىنىدۇ…)
２. تىزىملاش مۇددىتى (3-ئاينىڭ10-كۈنى) گە چوقۇم رىئايە قىلىڭ! مۇددەت توشقان ھامان تىزىملاش توختىتىلىدۇ.
３. پائالىيئەت كۈنى ۋاقىتقا چوقۇم رىئايە قىلىڭ!

ئەزىز قېرىنداشلىرىمىزنىڭ نورۇز تەنتەنىسىگە قەدەم تەشرىپ قىلىشىنى تەقەززالىق بىلەن كۈتىمىز!!!

ئېھتىرام بىلەن:

2017- يىللىق نورۇز تەنتەنىسى تەشكىللەش ھەيئەتلىكى
يىگىت بېشى : شەمشىدىن شەيخىدىن

2017- يىل 2- ئاينىڭ 18- كۈنى (توكيو)

ئەسسالامۇ ئەلەيكوم ھۆرمەتلىك قېرىنداشلار!
‹ياپونىيە نورۇز فوندى› تەرىپىدىن ئورۇنلاشتۇرۇلغان، ھەر يىلى قاينام-تاشقىنلىق ئىچىدە ئۆتكۈزۈلۈپ كەلگەن ‹ياپوندا نورۇز تەنتەنىسى› پائالىيىتىمىز، 2016-يىلى 3-ئاينىڭ 20-كۈنى توكيو شەھىرىدە ئۆتكۈزۈلۈپ، ياپونىيەدە ئوقۇش ۋە خىزمەت بىلەن شۇغۇنلىنىۋاتقان ئوقۇغۇچى ھەم خىزمەتچىلەر، شۇنداقلا ئۇلارنىڭ ئائىلە تاۋاباتلىرى ۋە ئانا يۇرتىمىزدىن كەلگەن ئۇرۇق – تۇغقانلىرى قاتارلىق 250دىن ئارتۇق مېھمانلار قاتنىشىپ، تەنتەنىلىك ۋە غەلبىلىك ھالدا ئاخىرلاشتى.
ھەر يىلىدىكى پائالىيىتىمىزگە ئوخشاشلا، بۇ قېتىملىق پائالىيەتتە، سەرخىل سەنئەت نومۇرلىرى ۋە نورۇز مەدىھەلەنگەن پروگراممىلار، شۇنداقلا ياپونىيەدىكى ئۇنۋىرسىتلاردا ئوقۇپ باكلاۋۇر،ماگىستىر ۋە دوكتورلۇق ئوقۇشنى پۈتتۈرگەن ئوقۇغۇچىلارنى تەبرىكلەش قاتارلىق مەزمۇنلارمۇ كەم بولماستىن، يىللاردىكىدىنمۇ يۇقىرى كەيپىيات ۋە قىزغىنلىق ئىچىدە، قەدەم-تەشرىپ قىلغان مېھمانلارنىڭ قىزغىن ئالقىشىغا ئېرىشتى. ئۇنىڭدىن باشقا بۇ قېتىملىق پائالىيىتىمىزگە يېقىندىن ئىقتىسادىي ۋە ماددىي جەھەتتە ياردەمدە بولغان ياپونىيە ۋە ئانا يۇرتىمىزدىكى مىللىي ئىگىلىكتىكى شىركەتلەرنىڭ ئورتاق كۈچ چىقىرىشى، ‹نورۇز تەشكىللەش ھەيئەتلىكى› دىكى يىگىت بېشى ۋە باشقا ھەيئەتلەرنىڭ ئەتراپلىق تەشكىللىشى ئارقىسىدا، مول داستىخانلىق ۋە تەرتىپلىك ھالدا ئۆتكۈزۈلدى. پائالىيىتىمىزگە قاتناشقان بارلىق مېھمانلار ۋە نورۇز يىگىت بېشى باشلىق بارلىق تەشكىللىگۈچى ھەيئەتلەر، سەنئەت نومۇرى تەييارلاپ پائالىيىتىمىزنى جانلاندۇرغان دوستلار، شۇنداقلا يېقىندىن ياردەمدە بولغان شىركەتلەرگە چىن قەلبىمىزدىن تەشەككۈر ئېيتىمىز ۋە بۇنىڭدىن كېيىنكى ‹ياپوندا نورۇز تەنتەنىسى› پائالىيىتىمىزنىڭ تېخىمۇ گۈللىنىشىنى چىن دىلىمىزدىن ئۈمىد قىلىمىز!
‹ياپوندا نورۇز تەنتەنىسى› پائالىيىتىمىز بولسا، تۇنجى قېتىم تەشكىللىنىپ باشلانغاندىن تا ھازىرغىچە، ياپونىيەدىكى ئۇيغۇر ئوقۇغۇچىلار ۋە ياپونىيەدە خىزمەت ۋە تەتقىقات بىلەن شۇغۇنلىنىۋاتقان ئانا يۇرتىمىزدىن كەلگەن ئۇيغۇر، قازاق،تاتار قاتارلىق تۈركىي مىللەتلەر يىلدا بىر يىغىلىپ، ئۆز مەدەنىيىتىمىز ۋە ئۆرپ-ئادەتلىرىمىزنى ئۇنتۇماسلىق، شۇنداقلا ئۇنىڭغا ياپونىيەدە چوڭ بولغان پەرزەنتلىرىمىزگە ۋارسلىق قىلدۇرۇشنى مەقسەت قىلغان ھالدا ئىزچىل داۋاملىشىپ كەلدى. بۇ جەرياندا پائالىيىتىمىز كۆڭۈل ئېچىش ۋە مەدەنىيىتىمىزنى تەشۋىق قىلىشتىن باشقا مەزمۇنلار بولماسلىقتەك ئالاھىدىلىكى بىلەن، ياپونىيەگە ئىلىم تەھسىل قىلىش ئۈچۈن كەلگەن ئوقۇغۇچىلار ۋە ياپونىيەدىكى ھەر تۈرلۈك شىركەتلەردە خىزمەت قىلىپ، مىللىتىمىزگە ھەسسە قوشۇپ كەلگەن دوستلىرىمىزنىڭ ئازادە خاتىرجەم ھالدا قاتنىشىشى ئۈچۈن ياخشى مەيدان ھازىرلاپ كەلدى. ‹ياپونىيە نورۇز فوندى› بۇ قېتىملىق پائالىيەتنىمۇ ئۆز ئىچىگە ئالغان ئاساستا، بۇنىڭدىن كېيىنكى پائالىيەتلىرىمىزمۇ مۇشۇ ئەنئەنىگە رىئايە قىلغان ھالدا تېخىمۇ كۆڭۈللۈك داۋاملىشىشىغا تىرىشىمىز.
ئەگەردۆلەت ئىچى ۋە سىرتىدىكى ئاممىۋى توربەت ئىجتىمائىي ئۇچۇر ۋاستىلىرى، شۇنداقلا مەتبۇئاتلاردا ‹ياپوندا نورۇز تەنتەنىسى›گە مۇناسىۋەتلىك خەۋەر بەرمەكچى بولسا خەۋەر مەزمۇنىنىڭ تۇلۇق ھەم توغرا بۇلىشى ئۇچۇن ياپونىيە نورۇز فوندى تەمىللىگەن مەزمۇننى ئاساس قىلىىشىنى تەۋسىيە قىلمىز.

　　ياپونىيە نورۇز فوندى
2016.4.11

ئەسسالامۇ ئەلەيكۇم ھۆرمەتلىك قېرىنداشلار

ﻗﯘﻳﺎﺵ ﭘﺎﺭﻻﭖ ﻳﻪﺭ ﺋﻮﻳﻐﺎﻧﺪﻯ، ﻧﻮﺭﯗﺯ ﻗﯘﭼﺎﻕ ﺋﯧﭽﯩﭗ ﻛﻪﻟﺪﻯ.
ﮔﯜﻝ – ﮔﯩﻴﺎﮬﻼﺭ ﺋﯘﺳﺴﯘﻝ ﺋﻮﻳﻨﺎﭖ، ﺋﻪﺗﯩﺮ- ﺋﻪﻧﺒﻪﺭ ﭼﯧﭽﯩﭗ ﻛﻪﻟﺪﻯ.

< نورۇز > بايرىمى تۈركىي خەلىقلەرنىڭ ئەنئەنىۋى بايرىمى بولۇپ، ئۇزۇن تارىختىن بۇيان بىزنىڭ ئەجدادلىرىمىز تەنتەنە قىلىپ ئەۋلاتلىرىغا قالدۇرۇپ كەتكەن بىباھا مىراسلىرىنىڭ بىرىدۇر. ئەجداد ئىزىنى بېسىش ھەربىر ئۇيغۇر پەرزەنتىنىڭ بۇرچى ھەم مەجبۇرىيىتىدۇر.
ياپونىيە زىمىنىدا جاپالىق ئىشلەۋاتقان قېرىنداشلار ، تىرىشىپ ئۈگۈنىۋاتقان ئوقۇغۇچىلار، ئوماق بالىلىرىمىزنى تەربىيەلەۋاتقان مېھرىبان ئاتا-ئانىلارنىڭ ئۈزلىكسىز خالىسانە ئەجىر سىڭدۈرۈش نەتىجىسىدە <ياپونىيەدە نورۇز تەنتەنىسى> ئۈزۈلۇپ قالماي بۈگۈنگىچە داۋاملىشىپ كېلىۋاتىدۇ. نورۇز تەنتەنىسى سۆيۈملۈك قېرىنداشلىرىمىزنىڭ ئۆز-ئارا دىدارلىشىش ۋە بىر بىرىمىزگە مەدەت بېرىش، جىسمانى ھەم روھى بېسىمىمىزنى ئۇنتۇلدۇرىدىغان، ئۆز مەدەنىيىتىمىزنى ياپونىيەدە تۇغۇلۇپ ئوقۇۋاتقان ئوماق پەرزەنتلىرىمىزگە ئۈگىتىشتىن ئىبارەت ئەھمىيەتلىك يىغىلىش سورۇنىمىزغا ئايلاندى. بۇنىڭدىن كېيىنمۇ مەڭگۇ داۋاملاشقۇسى!

ئەزىز سۆيۈملۈك قېرىنداشلار، ئاللاھ نىسىپ قىلسا، 10-قېتىملىق< ياپونىيەدە نورۇز تەنتەنىسى > 2016-يىلى 3-ئاينىڭ 20-كۇنى (يەكشەنبە) ئۆتكۈزۈلمەكچى. ياپونىيەنىڭ ھەر قايسى جايلىرىدا ياشاۋاتقان ئۇيغۇر قېرىنداشلىرىمىزنىڭ ھەم تۈرۈك قېرىنداشلىرىمىزنىڭ قىممەتلىك ۋاقتىنى چىقىرىپ قاتنىشىشىنى، شۇنداقلا سورۇنىمىزنىڭ قىممەتلىك ئەزىز مېھمىنى ھەم ساھىپخانى بولۇشىڭىزلارنى چىن كۆڭلىمىزدىن ئۈمىد قىلىمىز
< ياپونىيەدە نورۇز تەنتەنىسى > يىلدىن–يىلغا تەرەققىي قىلىپ كېلىۋاتقان، ھەممىمىز سۆيۈۋاتقان، ۋە بالىلىرىمىز ياخشى كۆرۈپ قاتنىشىۋاتقان ئەھمىيەتلىك بايرىمىمىزدۇر.
نورۇز بايرىمىنى ئۇيۇشتۇرغان ھەيئەتلەرنىڭ قىممەتلىك تەكلىپ-پىكىرلىرىنى يەكۈنلەپ، يىللاردىكىدەك ئۇنتۇلماس كۆڭۈللۈك شاد-خورامللىققا تولغان 2016-يىللىق < نورۇز تەنتەنىسى> نى ئۆتكۈزۈش ئۈچۈن، تۆۋەندىكى قارارلارنى بېكىتتۇق. ئەزىز قېرىنداشلىرىمىزنىڭ چىن كۆڭلىدىن قوللاپ قۇۋۋەتلىشىنى ۋە ھەمكارلىشىشىنى ئۈمىد قىلىمىز.

.1نورۇز تەنتەنىسى ئورنى ( مەرىكە زالى )
ＳＹＤビル・ホール
住所：〒151-0051東京都渋谷区千駄ヶ谷4-25-2

TEL 03-3405-5555
ئۆتكۈزۈلۈش ۋاقتى: -3ئاينىڭ 20-كۇنى(يەكشەنبە)
نورۇز تەنتەنىسىنىڭ مەرىكە ۋاقتى: 13:00~ 17:00
مەرىكە تىزىملىتىش ۋاقتى : 12:00~ 12:40
مەرىكە باشلىنىش ۋاقتى : 13:00
ۋاقىتقا ئېتىبار بېرىشىڭلارنى ئۈمىد قىلىمىز!

بۇ زالنىڭ ماشىنا توختىش مەيدانى يوق بولۇپ تۆۋەندىكى ياپونچە ئەسكەرتىشكە دىققەت قىلىڭ.
当ホールには駐車場はございません。公共交通機関をご利用の上お越しください。車でお越しになる場合は首都高速高架下の時間貸し有料駐車場千駄ヶパーキング（千駄ヶ谷駐車場）をご利用ください

2.تىزىمغا ئالدۇرۇش
بۇ يەرنى بىسىپ تۆۋەندىكى مەزمۇنلاردا ئۇچۇر يوللىغايسىز
1) ئىسىم-فامىلە
2) مەكتەپ ئىسمى/ خىزمەت ئورنى
3) تۇرۇشلۇق ئۆلكە-شەھەر
4) ئېلخەت ئادرىسى
5) تەبرىكلەنگۈچى ئۇچۇرى:( دوكتورلۇق، ماگىستىرلىق ۋە باشقىلار )
6) بىللە قاتنىشىدىغان ئائىلە ئەزالىرىنىڭ سانى، ئىسىم-فامىلىسى ۋە پەرزەنتلىرىنىڭ يېشى
( ئەگەر ۋەتەندىن كەلگەن تۇققانلىرىڭىزنى بىرگە ئېلىپ كەلمەكچى بولسىڭىز، ئۇلارنىڭمۇ ئىسمىنى قوشۇپ يېزىڭ )

تىزىمغا ئالدۇرۇش مۇددىتى: 2016-يىلى 3-ئاينىڭ 16-كۈنىگىچە
3. نورۇز تەنتەنىسىگە قاتنىشىش ھەققى
1) خىزمەتچىلەر: 5،000 يىن
2) خىزمەتچىلەرنىڭ ئائىلە تاۋاباتلىرى (يولدىشى): 4،000 يىن
3) ئوقۇغۇچىلار: 3،000 يىن

( 大学院生، 大学生، 研究生، 日本語学校生، 専門学校生等 )

بۇ ئۇختۇرۇشنىڭ ياپونچىسىنى تۆۋەندىكى ئۇلۇنىشتىكى PDF ھۆجىتتىدىن كۆرۈڭ.
ノルズのご案内を日本語で見るには以下のリンクをクリックしてください

2016年度Noruz Tentenisi(ノルズ会)の案内状

2016- يىللىق پائالىيەت ئۇقتۇرۇشى
3-نۆۋەتلىك ياپونىيەدە نۇرۇز ئاكادېمىيىسى دوكتۇر، ماگىستېر، تۇلۇق كۇرۇس ئوقۇغۇچىلىرى ۋە تەتقىقاتچى- خىزمەتچىلەرنىڭ ئىلىم – ئۇچۇر ئالماشتۇرۇش يىغىنى

ئەسسىلامۇ ئەلەيكۇم، ئەزىز قېرىنداشلار:
ھەممىمىزگە ئايان بولغىنىدەك ھەر يىلى ياپونىيەدە نۇرۇز تەنتەنىسىنى تەبىرىكلەش بىلەن بىرگە ‹ياپونىيەدە نۇرۇز ئاكادېمىيىسى› پائالىيىتىنى ئۆتكۈزۈپ، ياپونىيەدىكى ئۇنىۋېرستېتلاردا دوكتۇرلۇق، ماگىستېرلىق ۋە تۇلۇق كۇرۇسنى تاماملىغان ياكى تاماملاش ئالدىدا تۇرۇۋاتقان قېرىنداشلىرىمىزنىڭ نەتىجىسىنى ئورتاق تەبىرىكلەپ كەلدۇق.
شۇ ۋەجىدىن بۇ يىلمۇ دوكتۇرلۇق، ماگىستېرلىق ۋە تۇلۇق كۇرۇسنى تاماملىغان ياكى تاماملاش ئالدىدا تۇرۇۋاتقان قېرىنداشلىرىمىزنىڭ نەتىجىللىرىنى تەبىرىكلەش، شۇنداقلا ئۆزلىرىنىڭ تەتقىقات مېۋىلىرىنى ئۆز خەلقىگە ئانا تىلىدا
بىلدۈرۈشنى خالايدىغانلارغا پۇرسەت ھازىرلاپ بېرىش مەقسىتىدە ئۈشبۈ پائالىيەتنى تەشكىللىدۇق. قېرىنداشلىرىمىزنىڭ بۇپائالىيەتكە ئاكتىپلىق بىلەن قاتنىشىشىنى چىن كۆڭلىمىزدىن ئۈمىد قىلىمىز، ھەمدە تەييارلىغان دوكىلاتلىرىنى ئالدىن سۇنىشىنى تەقەززالىق بىلەن كۈتىمىز.
‹ نۇرۇز ئاكادېمىيىسى › يىغىنىغا تۆۋەندىكىدەك دوكىلات ياكى تېما يوللىشىڭىزنى چىن دىلىمىزدىن ئۈمۈد قىلىمىز.
1. تەتقىقاتچى – خىزمەتچىلەرنىڭ ئۆز كەسپىگە ئائىت تەتقىقات دوكىلاتى ياكى ئىلمىي ماقالىسى.
2. دوكتۇر، ماگىستېر ۋە تۇلۇق كۇرۇسنى پۈتتۈرگەنلەرنىڭ دېسىرتاتسىيە دوكىلاتى ياكى ئىلمىي ماقالىسى.
3. ئاممىباپ بىلىم – ساۋات، تەتقىقات، يېڭى ئۇچۇر، مۇنازىرە ۋە باشقىلار.
تەلەپلەر:
1. سۇنۇلماقچى بولغان تېما، دوكىلاتنىڭ قىسقىچە مەزمۇنى ئامال بار ئۆلچەملىك ئۇيغۇر يېزىقىدا ھازىرلىنىشى ۋە دوكىلات تىلىمۇ ساپ ئۇيغۇر تىلىدا بولىشىنى ئۈمىد قىلىمىز.
2. سۇنۇلماقچى بولغان دوكىالتتىكى كەسپى ئاتالغۇالرنىڭ ئۇيغۇر تىلىدا ئىپادە قىلىنىلىشدا قىيىنچىلىق بولسا ياكى مۇكەممەل بولۇشقا ئىمكان بولمىسا، دوكىلات بەرگۈچىنىڭ خاھىشىغا ھۆرمەت قىلىمىز. دوكىلات مەزمۇنى ئەسلى يېزىقى (ئېنگىلىز تىلى ياكى ياپون تىلى) بويىچە بولسا بولىدۇ.
3. ھەر بىر تېما ئۈچۈن 15 مىنۇت دوكىلات بېرىش ۋە 5 مىنۇت مۇنازىرە قىلىش ۋاقتى بېرىلىدۇ.
4. سۇنماقچى بولغان دوكىلاتىڭىزنىڭ قىسقىچە مەزمۇنى ۋە قىسقىچە تەرجىمىھالىڭىزنى 3 – ئاينىڭ 8 – كۈنىدىن بۇرۇن بىزگە يوللاپ بېرىشىڭىزنى ئۈمىد قىلىمىز.
5.دوكىلات يوللاش ئادرىسى :
uqur@aa.cyberhome.ne.jp

بۇ يىللىق نۇرۇز ئاكادېمىيىسىنىڭ ۋاقتى ۋە مەزمۇنى تۆۋەندىكىدەك:
يىغىن ۋاقتى: 2016 – يىلى 3 – ئاينىڭ 13- كۈنى(يەكشەنبە) سائەت 9:30 دىن 17:00 گىچە
• چۈشتىن بۇرۇن(13:00 – 9:30) : تەتقىقاتچى – خىزمەتچىلەرنىڭ دوكىلاتى.
• چۈشلۇك تاماق(13:30 – 13:00) : بارلىق قاتناشقۇچىلارغا نۇرۇز فوندى تەرىپىدىن تەييارلىنىدۇ.
• چۈشتىن كىيىن (17:00 – 13:30) : دوكتۇر، ماگىستېر ۋە تۇلۇق كۇرۇس ئوقۇغۇچىلىرىنىڭ دېسىرتاتسىيە دوكىلاتى.
‹نۇرۇز ئاكادېمىيىسى› يىغىن ئورنى:
With You さいたま、埼玉県男女共同参画推進センター
ホテルブリランテ武蔵野の 3F,視聴覚セミナー室
ئادرىسى:
〒330-0081 埼玉県さいたま市中央区新都心 2-2
JR 京浜東北線、高崎線・宇都宮線「さいたま新都心駅」から徒歩 5 分
http://www.pref.saitama.lg.jp/withyou

ئالاقىالشقۇچىلار: ئەخمەتجان ئابدۇرېھىم، غەيرەت غېنى، قاھار ئابلا
ئالاقىلىشىش ئادرىسى:
uqur[at]aa.cyberhome.ne.jp
ھۆرمەت بىلەن:
‹نۇرۇز ئاكادېمىيىسى› ئىجرائىيە كوممىتىتى

National Academies Press NAP ئامېرىكىنىڭ دۆلەت ئىلىم-پەن نەشرىياتى 2011-يىلى 6-ئاينىڭ 2-كۈنى ئۆزى نەشر قىلغان بارلىق PDF نۇسقىسىدىكى كىتاپلارنى ھەقسىز چۈشۈرۈشكە يول قويىدىغانلىقىنى شۇنداقلا DRM قوغداشنى ئەمەلدىن قالدۇرىدىغانلىقىنى جاكارلىغان . بۇنىڭ ئىچىدە ئەڭ يېڭى نەشر قىلغان 4000 دىن ئارتۇق كىتاپلارنى ئۆز ئىچىگە ئېلىپلا قالماستىن يەنە نەشىرگە تاپشۇرۇلغان دوكلات ۋە كىتاپلارنىمۇ ئۆز ئىچىگە ئالىدۇ. دۆلەتنىڭ ئىلىم-پەن نەشرىياتى press NAP بولسا
ئامېرىكا دۆلەتلىك پەنلەر ئاكادېمىيىسى(National academies)
ئامېرىكا دۆلەت قۇرۇلۇش ئىنستىتۇتى (National Academy of Engineering)
ئامېرىكا دۆلەت تېببىي ئىنىستىتوتىThe Institute of Medicine))
ۋە ئامېرىكا دۆلەت تەتقىقات كومىتېتى (National Research Council) قاتارلىقلارنىڭ ئالاقىدار تەتقىقات نەتىجىلىرىنى نەشر قىلىشقا مەسئۇل، تەتقىقات نەتىجىلىرىنى ئۇلارنىڭ مەقسىتى كىرىم-چىقىم تەڭپۇڭلۇقى ساقلاش ئاساسىدا بۇ تەتقىقات ئاپپاراتلىرىنىڭ جەھەتتىكى تەتقىقات نەتىجىلىرىلىرىنى ئىمكانىيەتنىڭ بارىچە كەڭ دائىرىدە تارقىلىش . بۇنى ئەمەلگە ئاشۇرۇش ئۈچۈن ، NAP 1994-يىلىدىن باشلاپلا توردىكى مەزمۇنلارنى ھەقسىز تارقىتىشقا باشلىغان . 6-ئاينىڭ 2-كۈنى بايانات ئىلان قىلىشتىن بۇرۇن ، بۇ بارلىق PDF نۇسقىسىدىكى كىتابلارنىڭ ھەممىسى تەرەققىي قىلىۋاتقان دۆلەتلەرگە ،% 65 مەزمۇنى دۇنيادىكى بارلىق دۆلەت ئوقۇرمەنلىرىگە ھەقسىز تارقىتىلىدۇ. تور ئادرىسى /http://www.nap.edu
دۇنيادىكى ھەرقايسى ھەقسىز ئېچىۋېتىلگەن ئېلېكترون كۇتۇپخانىلار
1. ئاۋستىرالىيە دۆلەتلىك ئۇنۋىرىستىتى ANU ئېلېكترونلۇق نەشر ئامبىرى: /http://dspace.anu.edu.au
2. ئەدلەيت ئۇنىۋېرسىتېتى ئېلېكترونلۇق ئەسەر ساقلاش مەركىزى ، كلاسسىك ، پەلسەپە ، ئىلىم-پەن ۋە تىببىي ئەسەرلەرنى ئۆز ئىچىگە ئالىدۇ: /http://ebooks.adelaide.edu.au
3. ئاۋسترالىيە رەقەملەشكەن ھۆججەتلەرنى ساقلاش مەركىزى ( ئاۋسترالىيە فىلىلوگىيە ئەدەبىيات ساھەسى رەقەملەشتۈرۈش بايلىق مېنىستېرلىكى http://www.ehum.edu.au
4. كارتىن ئۇنىۋېرسىتېتى تېخنىكا ھۆججەت ئامبىرى (كارتىن ئۇنىۋېرسىتېتى پەن-تېخنىكا ۋە ئاسپىرانت پەن تەتقىقات مۇۋەپپەقىيەتلىرى http://espace.library.curtin.edu.au/R
5. مېلبۇرن ئۇنىۋېرسىتېتى ئېلېكترون نەشر بۇيۇملىرىنى ساقلاش تورى http://www.lib.unimelb.edu.au/eprints
6. كۋېنسلاند ئۇنىۋېرسىتېتى رەقەملىك توپلام http://espace.library.uq.edu.au
7. SETIS سىدنېي ئۇنىۋېرسىتېتى ئېلېكترونلۇق ئىلمى ئەسەرلەر ۋە تەسۋىرى مۇلازىمەت مەركىزى http://setis.library.usyd.edu.au
8. يېڭى زېلاندىيە رەقەملىك ھۆججەت توپلاش تورى http://nzdl.sadl.uleth.ca/cgi-bin/library
9. گۇتىن بىرىگ رەقەملەشتۈرۈش كۇتۇپخانانىسى http: //www.gutenberg.org/wiki/Main_Page
10. Infomotions غەرب ئەدەبىياتى ۋە پەلسەپەسى تورى (ئۆزى/ئامېرىكىنى ئەنگلىيە ئەدەبىي ۋە غەرب پەلسەپە ئەسەرلىرى http://infomotions.com
11. كورنېل ئۇنىۋېرسىتېتى Arxiv (ماتېماتىكا ، فىزىكا سىزىقسىز تەتقىتات ئىلمىي ۋە كومپيۇتېر ئىلمى جەھەتتىكى ”سىناق بېسىلغان نۇسخا“ رەقەملەشكەن نەشر بۇيۇملىرى http://arxiv.org
12. Bartleby (دۇنيا تارىخى قامۇس ۋە شۇنىڭدەك خارۋارد كلاسسىك ئەسەرلىرى، ھەقسىز ئېلېكترونلۇق ئەسەرلەرنى تەمىنلەيدۇ. http://www.bartleby.com
13. ) Bibliomania2000دىن ئارتۇق ھەقسىز ئېلېكترۇنلۇق كىتاپ ۋە شۇنىڭدەك تەتقىقات نەتىجىلىرىنى تەمىنلەيدۇ http://www.bibliomania.com
14. Cogprints (تۈرلۈك پىسخولوگىيە ، پەلسەپە ، ئىلىم – پەن ، نېرۋا، تىلشۇناسلىق ، بىئولوگىيە ، ئىنسانشۇناسلىقى ۋە كومپيۇتېر تىخنىكىسى قاتارلىق ئېلېكترۇنلۇق كىتاپلار. قىسمەن رايونلارغا قارىتا تىزىملىتىشنى تەلەپ قىلىدۇ http://cogprints.org
15. ئىندىياننا ئۇنىۋېرسىتېتى خەلقئارا ھۆججەت ، ئارخىپ ئامبىرى (ئاممىۋى مۇلازىمەتلىك تولۇق رەقەملىك كۇتۇپخانا ، ئاپتورنىڭ ئەسەرلىرى ۋە پايدىلىنىش ھۆججەتلىرى بارhttp://dlc.dlib.indiana.edu/dlc
16. DLESE يەر شارى سىستېمىلىق مائارىپ رەقەملىك كۇتۇپخانا (مۇھىت ، جۇغراپىيە ، گېئولوگىيە ، دېڭىز-ئوكيان ۋە باشقا فىزىكىلىق ئىلمىي ئەسەر ؛ بوشلۇق پەن ۋە تېخنىكا ؛ ئوقۇتۇش ئۇسۇلى ۋە مەزمۇنى پەلسەپە http://www.dlese.org/library
17. Elfwood (ئىككى مىڭدىن ئارتۇق ئەدەبىيات-سەنئەت ئەسەرلىرى ۋە 1500 دىن ئارتۇق ئەپسانىۋى ۋە فدنتازىيەلىك ئەسەرلەر ۋە يازغۇچىلار ئەسەرلىرى http://www.elfwood.com
18. Eserver.org (توردىكى كۆپلىگەن ئەقلى ئەدەبىيات ۋە بايلىق ، ۋاشىنگتون ئۇنىۋېرسىتېتى تەسس قىلغان . http://eserver.org
19. IPL ئاممىۋى ئىنتېرنېت كۈتۈپخانىسى (مىچگان ئۇنىۋېرسىتېتى ئۇچۇر ئىنستىتۇتى ئۆگىنىش ۋە ئوقۇتۇش مۇھىتى http://www.ipl.org
20. كۇلتېر بوفورس تور كۇتۇپخانىسى (قەدىمكى ۋە ھازىرقى زامان كۆپلىگەن بىئولوگىيە ھەققىدىكى ئەسىەرلەر ساقلانغان http://www.zum.de
21. ماسساچۇسېتس شتاتى تەبىئىي پەنلەر ئىنستىتۇتىنى ئېچىۋېتىلگەن ھۆججەت تورى
http://www.Ocw.mit.edu/OcwWeb/web/home/home/index.htm
22. ئامېرىكا دۆلەتلىك پەنلەر ئاكادېمىيىسى تور سانلىق مەلۇمات ئامبىرى (3000دىن ئارتۇق ئىلمىي تەتقىقات بۆلۈمى ، قۇرۇلۇش ۋە ساغلاملىق سەھىيە جەھەتلەردىكى ئەسەرلەر) http://www.nap.edu
23. Ndltd.org(كانادا ، ئاۋسترالىيە ۋە ياۋروپا دۆلەتلەر شياڭگاڭ ، تەيۋەن ۋە ئامېرىكىنىڭ ماقالىلىرى) http://www.ndltd.org
24. پېنسىلۋانىيە ئۇنىۋېرسىتېتى تور پونكىتى (توردا بار بولغان 16000 پارچە ئېلېكترونلۇق كىتابلار ئوقۇشقا ئەرزىيدۇ http://digital.library.upenn.edu/books
25. ئوكسفورد ئۇنىۋېرسىتېتى ئارخىپخانىسى (1976-يىلى قۇرۇلغان ، بۇ يەر تەتقىقات ۋە ئوقۇتۇش سۈپىتى يۇقىرى بولغان ھۆججەت ، ماتېرىياللارنى ھەقسىز تەمىنلەيدۇ . http://ota.ahds.ac.uk
26. ۋىرگىنىيە ئالىي مەكتەپ ئېلېكترۇنلۇق مەركىزى (10000پارچىدىن ئارتۇق سىرىتقا ئىچىۋىتىلگەن ئەسەرلەر) http://www2.lib.virginia.edu/etext/index.html
27. Gallica.bnf.fr فرانسىيە دۆلەتلىك ياردەم قىلغان كۈتۈپخانا، فرانسۇزچە http:// Gallica.bnf.fr
28. يەرشارى كۇتۇپخانىسى فرانسۇزچە http://abu.cnam.fr
29. ئىتالىيە ئېلېكترونلۇق كىتاب تور پونكىتى (رومان ، شېئىر ، كلاسسىك ، تىياتىرچىلىق بولۇپ ، قورقۇنۇشلۇق ۋە فانتازىيىلىك رومان ، يېڭى ئىقتىسادشۇناسلىق قاتارلىقلار ماتىرىياللار) http://www.ebookgratis.it
30. ياپونىيە ئەدەبىي ئەسەرلىرى (HTML ، ZIP قاتارلىقلارنى ئۆز ئىچىگە ئالىدۇ)
http:// www.aozora.gr.jp
31. ‹‹بۈگۈنكى ئامېرىكا›› ئېچىۋېتىلگەن كۈتۈپخانا پىلانى (بىر گېزىتخانىنىڭ مۇستەقىل تور بېكەت تارمىقى بىر قىسىم داڭلىق يازغۇچىلارنىڭ رومانلىرىنىڭ نەشر ھوقۇقى ئېچىۋىتىلگەن.
http://www.usatoday.com/life/boo» unding-gutter_x.htm
32. ئىنگلىزچە ئەدەبىي ئەسەر تورى (مىڭدىن ئارتۇق ئوقۇغۇچى بۇ ر تور بىكىتىگە ئەسەرلىرىنى تەقدىم قىلغان) http:/ /Www.litencyc.com
33. كومپيۇتېر پروگراممىسى ئېلېكترونلۇق كىتابلىرى (ئۆز ئىچىگە ئالىدۇ: Abap ، Java ، Linux ، Php ، Oracle & Vb.net. PDF قاتارلىقلار. دىققەت :دىتاللارنى چۈشۈرۈشتىن بۇرۇن تىزىملىتىش كىرەك) http://www.downloadfreepdf.com
34. ماتېماتىكا دۇنياسى (ئوقۇغۇچىلار ، مائارىپشۇناس ، ماتېماتىكا ھەۋەسكارلىرى ۋە تەتقىقاتچىلىرى ئۈچۈن ماتىماتىكا توپلاملىرى) http://mathworld.wolfram.com
35. تېببىي تور ئىنسىكلوپېدىيىسى (1500 پارچىدىن ئارتۇق تېببىي قامۇس ل. سالامەتلىكنى ئەسلىگە كەلتۈرۈش ، كېسەللىك ، زەخىملىنىش ، ئوزۇقلۇق ، ئوپېراتسىيە قىلغان ، كېسەللىك ئالامەتلىرى، تەجرىبە ئۆز ئىچىگە ئالىدۇ http://www.healthopedia.com
36. دوختۇرلارنىڭ ھەقسىز ئېلېكترونلۇق كىتابلىرى (ھەقسىز ئىشلىتىدىغان ئېلېكترونلۇق تېببىي كىتابلار) http://freebooks4doctors.com
37. ئاۋسترىيە ھۆججەت تورى http://www.literature.at/default.alo
38. GPO Access ئامرىكا ھۆكۈمەت ھۆججەتلىرى تورى http://www.access.gpo.gov
39. دۇنيادىكى ئەڭ چوڭ بولغان ئىجتىمائىي پەنلەرگە ئائىت ھۆججەت تور پونكىتى (ICPSR) （Inter-university Consortium for Political and Social Research）
:http://www.icpsr.umich.edu/icpsrweb/ICPSR
40. National Academy Press ( ئامېرىكا دۆلەتلىك پەنلەر ئاكادېمىيىسى،دۆلەتلىك قۇرۇلۇش ئاكادىمىيىسى تېببىي جەمئىيىتى قاتارلىق ئاپپاراتلارنىڭ ماقالىلىرى . http://www.nationalacademies.org/publications
41. UNESCO (بىرلەشكەن دۆلەتلەر تەشكىلاتى مائارىپ تىخنىكا گورۇپپىسى تەمىنلىگەن ھۆججەتلەر . تەبىئىي پەن ۋە ئىجتىمائىي پەن ، جەميەتشۇناسلىق قاتارلىق ئەسەرلەر ، كۆپ خىل تىللارنى قوللايدۇ . http://www.unesco.org/new/en/unesco

بىر نەچچە يىلنىڭ ئالدىدا ياپۇندا بىلىم ئاشۇرغان ئەكرەم ئەھمەدنىڭ كىيىنكىلەرنىڭ
پايدىلىشى ئۈچۈن قالدۇرۇپ كەتكەن تۆۋەندىكى ماتىرياللىردىن كۆپچىلىكنىڭ پايدىلىشىنى
ئۇمۇد قىلىمىز
تۈزگۈچى ئەكرەم ۋە جەۋھەر شۇنداقلا رەتلىگۈچى مۇھەممەدئىمىن ئابدۇمىلىك قىرىندىشىمىزغا چىن كۆڭلىمىزدىن رەخمىتىمىزنى بىلدۇرمىز شۇنداقلا ئۇنىڭ ئۇگۇنىش تۇرمۇش ئىشلىرىغا مۇۋاپىقىيەت تىلەيمىز.

1. ”ياپون تىلى سۆزلۈكلەر توپلىمى“
2. ”ياپون تىلى جۇملىلەرتوپلىمى“
3. ”ياپون تىلى ھەرپلىرىنى كوپيوتىردا بىر تەرەپ قىلىش“

دوستىمىز ئەكرەمدىن : سۆزلۈك ۋە جۇملىلەرنىڭ چۇشەندۇرۇلۇشى ۋە تەرجىمە قىلىنىش جەريانىدا ھەر تۈرلۈك خاتالىق ۋە نۇقسانلاردىن خالىي بولالمىغان بولۇشىمىز مۇمكىن، توغرا چۇشىنىشىڭلارنى ۋە سەمىمىي تەكلىپ-پىكىرلەرنى بىرىشىڭلارنى تۆۋەنچىلىك بىلەن سورايمەن.